• 關心妍囡囡首次登場拍MV嚇親媽咪 老公揸機做攝影師
  • 2019-09-03    

 

關心妍創立的「妍亮生命慈善基金」,與本地兒歌創作歌手嘉芙姐姐,合作大型跨年活動「兒童感恩文化2019」,仲會推出兒歌集,同埋搞兒童唱歌比賽。除了Jade音樂學院「Shining Life Music」的學生外,新歌《我要感恩》由120位三至十二歲的小朋友合唱,Jade的囡囡心心更粉墨登場拍MV,Jade說:「上一首兒歌《願你感恩》是父母唱給子女,今次輪到子女唱給父母,希望小朋友透過歌曲,學懂感謝身邊的人,多些說Thank you,兒歌EP會作慈善義賣。」

Jade的家人當日亦擔任義工,囡囡出鏡、老公就做攝影師,Jade說:「囡囡都有邀請幾位同學仔參加,平日心心比較文靜,但對住鏡頭竟然變得紮紮跳,我都好surprise,見到媽咪變身心妍老師,心心好主動答問題,做咗領隊帶住小朋友唱歌、揮手,之前都帶過心心賣旗,今次是她第一次做義工。」小朋友加父母們現場近三百人,Jade初時都擔心好難控制場面,結果現場收音錄歌加拍攝MV,三個多小時就完成。

另外,Jade早前完成廣州首站巡迴演唱會之後,10月26號將舉行深圳站,日前就舉行記者會,順便與當地歌迷慶祝生日Jade說:「好多都是第一次見,大家唱K玩咗一日。」明年Jade將巡迴演唱會帶到澳洲和美加等地,希望巡迴的尾站回到香港舉行。

9月2日起升級條件將更新 繼續每月撐壹仔 講真心話撐住我香港!