• 兄弟班初試玩over cooked 王梓軒負責指揮 陳家樂零反應
  • 2019-09-04    

 


3年多前,王梓軒同陳家樂、林耀聲同吳鶴謙合作電影《兄弟班》後,即成為好友,最近梓軒推出新歌《安全著陸》,歌曲講述梓軒一個人出走,返來後仍有一班兄弟等候及支持,所以今次約埋兄弟班打機,四個男人初試玩over cooked,玩到甩晒轆,場面搞笑!

今次玩over cooked,梓軒同家樂一組,阿聲同阿謙一組,四個大男孩,打起機上嚟都好緊張好興奮,玩到表情僵硬,眼都朦埋,仲不時大叫!

開始時,梓軒同家樂研究點樣可以快啲完成,點知阿聲爆一句:「仲鬥快?攻擊就係最好嘅防守!」未幾,梓軒叫家樂斬嘢食,點知家樂搞笑咁話:「無反應喎?」梓軒話:「因為你無刀呀!」原來家樂完全唔識玩,而另一組嘅阿聲同阿謙就以佛系方式打機,但仍難逃煮燶嘢,最後廚房著埋火火燭,相當搞笑。

家樂問梓軒,其實首歌係講乜,點解叫我哋嚟玩遊戲?梓軒話:「首先多謝幾位兄弟嚟撐,佢哋冇乜問原因嘅,淨係話有得玩,可能會淋濕頭,大家都話OK,其實我有首新歌,係講去咗好遠嘅地方,以為自己返嚟時冇人理,點知安全著陸仲有好多人掛住我,咁我心目中班好兄弟就係我安全著陸嘅意義。」

9月2日起升級條件將更新 繼續每月撐壹仔 講真心話撐住我香港!