• 【每日要洗腎】吳耀漢只剩一成腎功能:香港政府放縱到亂晒籠
  • 2019-09-04    

 

早前拍畢靈異電影《雙魂》的吳耀漢,日前接受傳媒訪問,指拍攝時,已預先與劇組聲明,每日不能工作多於8小時,因為吳耀漢現時只剩下一成腎功能,每日都要洗腎,但吳耀漢未有言休,自言仍可接戲、揸車,但亦表示年紀大,身體開始出現問題,例如左眼出現白內障,早前更需將鼻內微絲血管「電死」,以免再經常流鼻血。

對於香港近期情況,吳耀漢指「香港政府係放縱到亂晒籠」,認為香港政府稅收過多,不論香煙、汽油,都要收取稅項,連帶不同政府機構,都以賺錢為主,「外國好多政府生意係蝕,為巿民蝕本都要做,我哋香港政府每一個部門都係諗緊點樣同政府搵多啲錢。」更建議政府應全面減稅10%,「咁多年來搏命喺我哋巿民身上搵錢,搵搵埋埋唔知用嚟做乜。」

+4

9月2日起升級條件將更新 繼續每月撐壹仔 講真心話撐住我香港!