• 【姊妹好感情】王麗嘉自爆家姐性格反叛:我先可以穿耳同紋身
  • 2019-09-08    

 

仔大女大,王敏德同名模老婆馬詩慧,近年索性享受人生歎下世界。反而兩個女,王曼喜Kayla同王麗嘉Irisa,曝光率就遠勝阿媽阿爸喇。

好似呢日咁,兩姊妹又一齊出動行街,家姐Kayla睇落似乎比較低調,不過擰轉後面望望,都有條小蠻腰,阿妹Irisa香蕉恤衫同白色熱褲,好似無乜睇頭,不過咁perfect既身形,又點包得住呢。

之後兩姊妹去左睇波鞋,仲密密斟交換意見,可惜就無收穫。其實今日兩姊妹既主要任務,唔係shopping,而係去扮靚,無耐就見到佢地入左修甲店。

去到邊都一齊,兩姊妹感情當然好,Irisa曾經講過,以前阿媽管得好嚴,多謝家姐當年既反叛性格,佢先至可以跟住穿耳窿同紋身,都無俾阿媽鬧。

但Irisa就好不滿家姐重色輕友,仲話家姐一拍拖就唔理佢,分手先識搵佢。不過,阿妹唔重視你嘅話,又點會咁大醋意,係咪咁話先?

9月2日起升級條件將更新 繼續每月撐壹仔 講真心話撐住我香港!