• 【真空性感好搶眼】岑日珈露背紅裙現身 :我瘦咗20磅
  • 2019-09-06    

 

陳家樂、岑日珈、麥家瑜、袁祥仁及潘紹聰等,日前出席電影《綁靈》首映禮,岑日珈最為搶鏡,身穿紅色大露背裙她十分性感,她表示:「最近積極減肥,同拍攝《綁靈》時相比,依家瘦咗20幾磅,不過戲中演中學生,太瘦反而唔太合適。」岑日珈言前喜歡食嘢,所以有段時間暴肥。現在變得骨感,她反而覺得舒服自在。她更不介意上圍跌級:「由B Cup跌到A Cup,不過夏天熱,出街反而唔需要戴bra,感覺輕鬆好多。」她唯一擔心是嚇怕追求者。



男主角陳家樂坦言很怕睇鬼片,他有過這樣的經驗:「我曾經食住爆谷睇恐怖片,見到電鋸鋸人,因為太核突睇到反胃同嘔。」陳家樂表示,為拍過幾部驚慄片,知道鏡頭前後的製作過程都是堆砌出來,他笑言:「好多血肉橫飛嘅場面,用一大塊生豬肉就拍到。上套戲都有劏屍戲,為咗慳錢,一副豬雜、牛雜拍足幾日,其實咁樣仲恐怖。」

9月2日起升級條件將更新 繼續每月撐壹仔 講真心話撐住我香港!