• 【完了吧?未完】吳浩康自爆跟崔碧珈拍拖7個月:佢係結婚對象
  • 2019-09-06    

 

早兩日,崔碧珈在她的ig這樣寫:「完了吧」「如沒意外」接着tag了吳浩康。

心水清者,不難估計她在說跟吳浩康拍拖劃上句號,縱使兩人從沒有在大家面前承認過戀愛。翌日,崔碧珈又澄清,「一直是自己想太多」。

數天後,吳浩康終於開口,承認兩人拍拖七個月,因為一些小拗撬,致令女友這樣不安反應。



原來,兩人拍拖以來,一直互相扶持鼓勵,尤其崔碧珈離開經理人公司,要一個人重新處理所有工作事情,近日要經常飛英國、法國開會傾劇本、又要做講座,壓力差點爆煲。



「嗰日約咗同屋企人食飯,我哋一齊買餸,期間有少少拗撬,我提出不如大家冷靜一下,到食飯時,佢已經比較激動,大家都冇再講落去。」吳浩康覆述當晚不快事。之後,崔碧珈一直發短訊跟他溝通,不過吳浩康太累睡了,到第二朝早,才知道出事,女友在ig寫了一堆話。

但因為這件事,不單令戀情曝光,大家更加了解對方,現在問題解決了。



吳浩康指日後會盡量抽多些時間陪女友,因為他近日要宣傳新歌,又要配合經常去做騷,忙於工作。女友因為很多時候都不能夠馬上間聯絡上他,加上抑鬱症似有復發跡象,情緒容易激動。



「我好欣賞佢唔似一般幕前女仔,佢好有主見同想法,而家轉去幕後,佢可以由監製到場務都做得好出色,係好特別女仔。」吳浩康更視女方為結婚對像,很珍惜這段關係。

9月2日起升級條件將更新 繼續每月撐壹仔 講真心話撐住我香港!