• 【童星長大變學校風頭𧄌】 5年後重遇黃翠如 「美心妹妹」Celine 11 歲滲少女味勁老積
  • 2019-09-07    

 

大家仲記唔記得佢呢?三歳就開始拍廣告嘅童星楊鎧凝(Celine),而家眨下眼就11 歳啦!當年佢拍攝「美心MX」蘿蔔糕廣告,表情多多十分得意,成為人氣童星。之後最令人深刻嘅應該係14 年拍攝大台劇集《愛我請留言》,入面飾演「樂悠悠」嘅Celine 同女主角「朱古力姐姐」有大量對手戲。

事隔5年,Celine 妹妹最近终於同翠如BB喺活動相遇。冇見一排,Celine 大個咗唔少,而家已經差唔多高到去翠如膊頭。呢日著住條露膊連身裙,開始滲出少女味,化埋淡妝,仲好老積添!

雖然而家Celine 妹妹已經冇再拍電視劇,不過仍然時不時有品牌邀請她出席活動,又時不時喺ig update 近況。一向充滿表演慾嘅Celine 仲喺校際音樂節唱歌比賽攞到亞軍,之後又喺朗誦比賽攞冠軍,似乎係學校嘅風頭𧄌。

9月2日起升級條件將更新 繼續每月撐壹仔 講真心話撐住我香港!