• 【出浴講當差生涯】王喜開心些牙放蛇捉auntie級妓女
  • 2019-09-07    

 

家陣要同粉絲拉近距離,簡直易過借火,開個live就已經搞定。但係個個都開live,要吸引到粉絲入嚟,梗係要做啲嘢,王喜就諗到浸住沐,好chill咁同大家傾吓佢當差嘅趣事,有網友問佢做咩咁搞鬼wet look示人,王喜就好得戚咁話:「人做我唔做先殺出條血路!」

粉絲keep住挑機嚇王喜走光,又嗌佢企起身騷吓個body, 王喜總係四両撥千斤。一輪風花雪月,終於入正題話當年,提到初出學堂,開夜班捱唔住,俾當值沙展捉個正,又驚心動魄講親身經歷的開工鬼故實錄,但講到最吸引的當然是新仔出更,被委派落場捉auntie級妓女,提供手淫服務的初次放蛇任務。向來有諗頭的王喜,睇準自己眼細細,學咗幾句日文,膽粗粗扮㗎仔殺落女子理髪店。遇上Auntie 級的理髮師信以為吸納咗外國顧客,即席發揮侍客之道,安排王喜到附近的時鐘酒店提供進一步的服務,襯住auntie沖涼之際,王喜打電話要求增援,遇上時鐘酒店拆穿王喜身份,過程驚險,似足拍戲,粉絲起勢再追問,但係傾足45分鐘,斷電在即,唯有下round繼續!

9月2日起升級條件將更新 繼續每月撐壹仔 講真心話撐住我香港!