• 【叼住雪茄睇結他】65歲八両金月花萬元 栽培八両仔做音樂接班人
  • 2019-09-11    

 

近年專注喺內地發展嘅八両金,招牌冬菇頭同粗金頸鏈,咁多年都無變,今次壹仔喺香港見到佢,唔係去金舖,竟然入左去樂器舖,究竟佢睇中乜嘢樂器呢?看到他頭頂開始有啲稀疏喎,話晒都60有5,算係keep得唔錯喇。

見八両金係咁睇結他,同店員傾咗好耐,不過都好似無乜心水,聽人講咁耐,八両金索性自己落手,坐低慢慢試。搞咗一大輪,都係無著落,不過八両金走個陣,都同店員傾到揈晒手,音樂果然可以令人興奮。

其實,唔單只八両金鍾意音樂,佢個仔八両仔,對音樂都好有興趣。八両金之前仲講過,八両仔細細個個陣,每個月花成萬元,搵老師幫個仔惡補音樂。有老竇悉心栽培,今年24歲嘅八両仔,幾乎每次出現,八両金都肯定陪到實,自己出騷,都叫埋阿仔上台一齊唱。

唔知今次八両金微服出巡睇結他,係咪想幫阿仔入貨呢?

9月2日起升級條件將更新 繼續每月撐壹仔 講真心話撐住我香港!