• 【真係好多靚仔嚟生日P】劉晨芝生日願望成真:朋友介紹多啲男仔畀我
  • 2019-09-09    

 


劉晨芝日前跟一班好朋友慶祝生日,連續兩晚開p跟好朋友慶祝,包括胡杏兒、莊思敏、莊思明、陳庭欣、黃健東和組合C all star的釗峰等都有出席。單身多年的劉晨芝,揚言不想收禮物,最希望是今年有拖拍,有個愛錫她的男朋友,所以叫朋友介紹男仔給她。



「相士話我今年會識到男仔,但最適合係年紀細啲或者大十年,會同我比較夾,我自己就偏向年紀較大,識得照顧我。其實我自己心急,因為婆婆每星期都會打電話畀我,問我有冇拖拍,我都同佢哋講急唔嚟。其實感情事,話嚟就嚟,有時都未必要好耐。」她自言當晚有不少單身男士出席派對,更有唔少靚仔有型。由於相識未幾,她不清楚對方是否單身,更不好採取主動,事關她認為女子應該保持矜持。



緣份未到,事業卻有突破。近日為J2台做主持,介紹首爾吃喝玩樂好地方,當中更有好朋友,韓國長腿美女李宣美助陣,口碑和收視均不俗。



「相士話我喺事業上會愈來愈順利,所以嚟緊我都想再做多啲旅遊節目,好似荷里活同日本,搵當地演藝界朋友一齊出鏡。」她說。

+4

9月2日起升級條件將更新 繼續每月撐壹仔 講真心話撐住我香港!