• 【游到中途撐唔住】方力申嗌頭痛 海中扣喉噴射式連嘔四次
  • 2019-09-09    

 

溫提:以上片段可能引起觀眾情緒不安,請作好心理準備。

作為前港隊泳將嘅方力申, 喺11月挑戰12小時環島游嘅備戰中,辛苦到喺大海狂嘔。今日佢喺ig分享咗兩條片,其中一條佢游到半路,停下來拍片說:「大家好,仲有差唔多兩公里就到淺水灣,我兩公里之前,跟隊友講bye bye,其實唔畀一個人游,但因頭先都講過我頭痛,咁頭痛喺海再等就仲暈,因為啲浪好大,我話唔得,寧願慢慢游,你哋一陣追到我就追,如果再停喺度再曬住,我塊面又曬到有啲痛,我唔掂我會嘔,其實我依家都可以嘔。」睇埋表情,想像到佢當刻有幾辛苦。

話口未完,喺另一條片已經上演《大海狂嘔記》,喺海中方力申連環扣喉,然後噴射式嘔吐足足四次。可想而知挑戰環海游,一星期練習六次已經唔容易,過程亦好易出現中暑脫水及嘔吐,有游泳訓練底嘅方力申都搞成咁,可想而知嗰種辛苦程度。嘔吐片雖然無聲,但睇完佢噴射式嘔吐,好多人留言都話:「想嘔!」

9月2日起升級條件將更新 繼續每月撐壹仔 講真心話撐住我香港!