• 【港聞記者到落選港姐】食腦型梁敏巧:我真心覺得自己好夠薑
  • 2019-09-09    

 

2019港姐結果塵埃落定,高妹楊詠彤大熱倒灶,另一個食腦型港姐3嘅梁敏巧亦在決賽第一round出局。

呢位由港聞記者,變落選港姐,但令人深刻嘅係佢反手表演彈琴。今日佢喺ig出文,話自己由細到大都俾人笑係大隻、方面、細眼,自覺唔係一個靚女、有自信同表演慾,及發明星夢嘅女仔,所以之前冇諗過選港姐。咁點解最後佢又肯放低原有工作去選美,揀娛樂圈嘅路行。佢話:「有人覺得港聞記者同選美九唔搭八……我唔覺得要俾份工作困死,我鍾意冒險、挑戰、刺激,想要一個趁後生先可以做,不一樣嘅經歷,有諗過去working holiday,但唔捨得香港。我真心覺得自己好夠薑,其實我入到複選都已經好叻,但我入到決賽,贏咗啦。」

其實以梁敏巧嘅工作經驗同口才,就算落選,都可以係做主持嘅可造之材。

9月2日起升級條件將更新 繼續每月撐壹仔 講真心話撐住我香港!