• 【她她她的少女時代真.媽媽】堅過阿田 林凱恩母親與女兒同年畢業 拎埋獎學金
  • 2019-09-10    

 

呢排大台劇,真係靠剛解約嘅田蕊妮演技,令播出中嘅《她她她的少女時代》贏口碑、收視。飾演佢個女嘅林凱恩,亦受網民熱愛,讚佢演得自然率真。

人生如戲,戲如人生。劇中阿田飾演林凱恩嘅阿媽,講佢如何離婚後自強,過精彩人生。現實中,真.阿媽一樣堅,同樣係單親媽咪,帶住一對仔女,工作之餘仲完成七年神學,14年仲同阿女林凱恩同年畢業,齊齊著上畢業袍影相留念。林凱恩係城大修讀公共關係及廣告社會科學副學士,林母亦學海無涯,孭住頭家利用工餘時間完成神學。

見林凱恩post母女畢業look,同哥哥開心合照,留言寫上:「我最敬重的媽媽,終於畢業了。一個努力讀了七年神學,早上還要工作的媽媽,讀書最大目的竟然是為了可以幫到更多的人。我真心為她感到自豪,仲要拎到獎學,這個女人不簡單,我會掛住同媽媽一齊趕功課的日子,作為女兒心感欣慰,愛你。」

佢對媽媽嘅敬重,真係唔係一次半次嘅表達,從林凱恩嘅ig,會睇到佢不時post母女相,言詞間都感受她倆的親密,及林凱恩嘅孝順,感激呢位單親媽為子女付出嘅辛勞。如「由我來保護你,照顧你。」、「沒有你,沒有我,最愛的媽媽……我會繼續牽著你,帶你去威,努力把最好的都給你,包括我自己。」

佢唔係空口講白話!真係好多時都帶住媽媽去威,就算同閨密郭嘉文high tea,都帶埋阿媽一齊去。

林凱恩的媽媽,同劇中嘅媽咪「迎風」一樣堅(田蕊妮飾演),單親女人,照顧子女,半工讀完成神學。林凱恩話,好掛住同媽咪一齊趕功課嘅日子。
戲如人生,劇中媽咪阿田同樣係單親媽,離婚後為自己人生添上豐富色彩。
林凱恩ig,經常見到母女親密照。

9月2日起升級條件將更新 繼續每月撐壹仔 講真心話撐住我香港!