• 【休班警配伸縮警棍】王喜不屑警權無限大 :「休班持械」,咁熱愛「執法」咪唔好「休班」
  • 2019-09-10    

 

香港警察,鑊鑊新鮮!

繼連月不停上演濫捕濫暴,令示威者頭破血流,嚴重骨折,未收手!今日有消息稱,警方將向休班警發放伸縮警棍傍身,以供佢哋隨時執法。嘩,警隊何時變到好似7-11,廿四小時「服務」!

入娛圈前,曾效力警隊嘅王喜,即有反應,喺facebook嘲警:「阿豬,咪當我哋傻仔啦,你哋係想『休班持械』而唔係『休班』,咁熱愛『執法』咪唔好『休班』囉!

無委任證嘅、操普通話嘅、無樣見人嘅都話係香港警察,以後背心短褲拖鞋掹枝伸縮警棍出嚟又話自己係香港警察?

有份通過撥款嘅,就係煽動惑他人簡易冒警或休班時犯法,破壞法治!危害國家安全!」

早幾日佢浸浴開live分享自己當差時做過「金蛇郎君」,喺色情場所成功放蛇拘捕賣淫女子,期間俾網友問點解最後離開警隊,王喜答得相當之妙:「了解咗警隊係乜,咪唔做囉!」

曾經係皇家警隊之一嘅王喜,覺得警察可在休班時繼續配備警棍,相信除咗佢,好多市民都覺得,警察權力越來越無限放大。
早前佢出浴分享當差實錄,更回應網民最後點解離開警隊嘅原因。
近期頻頻出浴開live,貫徹佢愛破格作風。

9月2日起升級條件將更新 繼續每月撐壹仔 講真心話撐住我香港!