• 【讀完碩士再攻博士】49歲陳慧珊新節目講教育 湊女放學行身教
  • 2019-09-11    

 

陳慧珊Flora自從07年生左囡囡鍾律然之後,大幅減產,已經無乜點拍劇。不過減產唔代表唔使做,相反Flora仲好勤力,唔單只完成碩士課程,依家仲讀緊博士。

對教育愈來愈有心得嘅Flora,仲搞咗個新節目叫《放學後》。呢個節目,係訪問藝人同名人讀書時嘅生活,講終身自教嘅教育觀念,又飛美國又去英國,唔怪得Flora話呢個節目,足足搞左3年。睇完咁多名人嘅「放學後」,Flora同自已囡囡放學後,又會係點嘅呢?

呢日見到Flora兩母女,兩個都孭住個背嚢,雖然阿女已經11歲,不過過馬路嗰陣,Flora都照樣拖到實。之後兩個去咗超市,環保嘅Flora連透明膠袋都自備,呢啲咪就係身教囉。

阿女亦都好黐阿媽,行行下超市都要嚟個愛的抱抱,兩母女感情相當唔錯。連買盒麥片,兩個都傾左好耐,最後達成共識走人。

Flora係37歲嗰陣生阿女,佢曾經講過,其實唔想咁大年紀生BB,但係見到老公好想要,所以結婚第二年,就造人成功。

Flora話阿女唔鐘意出鏡,亦好介意媽咪係公眾人物,但阿女同佢講過,如果有需要出鏡都會幫手,令Flora知道,阿女其實好撐佢架。

9月2日起升級條件將更新 繼續每月撐壹仔 講真心話撐住我香港!