• 梁芷珊遭藍絲網民挑機問「幾時做天使」 神回覆暗串羅范椒芬
  • 2019-09-11    

 

多次為反送中事件發聲的梁芷珊Canny,不但撰文支持,早前更將她當年填詞的《唯獨你是不可取替》,重新填詞力撐前線,結果當然惹來藍絲不滿,留言俾Canny問:「唔知芷姍(珊)姐同女兒幾時可以做小天使俾義士插呢?」Canny仲話呢位網民問咗幾次,才女Canny當然有神回覆,指「假如你係一個女人,我希望至少比起羅范無咁out嘅人種,唔好唔好以為自己咁講一句,就好寸咀或好毒舌,會hurt到人哋。」仲話成年人性交有自由意志,如果講未成年,只會顯得思想下流,更指如果問題是抄襲而得,都要搵句高質素嘅。之後再掀點該網民,「如果知道有未成年少女被誘發生性行為,應該請該名少女家長報警求助,而唔係喺船河時同朋友個朋友講。」順便暗串日前發放「少女性服務論」的羅范椒芬。



不過,藍絲網民點會得一個,之後Canny再上載另一位藍絲網民的「妙問」:「如何解讀擾亂民生,破壞國家建設,向列車拋磚等等行為?這樣算是和平示威,追求民主嗎?」Canny指見到此留言都會心煩氣燥,但都好有耐性回覆,解釋「現在香港水深火熱,相信你也聽聞吧…..如果你來一句噓寒問暖,我們會說聲thank you,但我們有要務待辦,稍後再談。但如果你從不在我們當中,只是路過花生,我只好說:王/黃先生早晨,拜拜。」

9月2日起升級條件將更新 繼續每月撐壹仔 講真心話撐住我香港!