• 大派自家製月餅 湯怡難忘中秋節曾展開一段puppy love
  • 2019-09-11    

 


臨近中秋,早前謝霆鋒返公司向同事派發自家品牌派月餅,原來師妹湯怡(Kathy)近年中秋亦會自家製月餅送給同事朋友。由於月餅不能存放太久,因此只能夠於中秋節前幾天開始製作,不過遇着開戲日子,Kathy便犧牲睡覺時間,捱更抵夜做月餅,十分有心。

Kathy表示其實一向對烹飪有興趣,從小到大都有跟媽咪學煮食:「早幾年開始都有報讀課程,學整唔同款式嘅月餅,所以每年都整三四款唔同口味畀大家試吓,中秋節見到大家食得開心又可以同屋企人分享,我都好滿足。」她希望同事朋友收到月餅,能感受到她的心意。不過這次她製作月餅時不小心被焗爐燙傷,所以今年的月餅可謂有血有淚。

提到難忘嘅中秋節,Kathy説小時候每年都會在屋企樓下玩蠟燭:「有一年家姐個好朋友帶咗細佬落嚟一齊玩,升中一之後,大家坐隔離仲相認返,曾經展開過一段puppy love。」至於如何渡過今年的中秋節,Kathy則謂要為下月電影開拍作訓練:「角色相當大挑戰,亦做咗好多資料蒐集。所以今年中秋除咗同屋企人食飯,多數都留喺屋企睇電影,參考唔同角色。」

9月2日起升級條件將更新 繼續每月撐壹仔 講真心話撐住我香港!