• Eason宣佈紅館騷加5場 宣傳照難免聯想「爆眼少女」
  • 2019-09-12    

 

早幾日先喺網上見到有人問:「Eason作為香港歌神,香港咁大件事都唔出聲,唔明點解仲有咁多人支持佢個騷,仲神心過為未來發聲!」

點知,Eason陳奕迅今日(9月12日)就宣佈2020年1月3日至7日加場,而且重點係,佢張相嘅設計係黑背景深色衫,配合右手遮右眼動作,不禁令人立即聯想到8月11日尖沙咀衝突期間被射傷右眼嘅「爆眼少女」,以及「還眼」動作。何況更相當巧合,今日正正亦是「爆眼少女」提覆核開庭聆訊嘅日子。

或者真係事有湊巧,然後各人就將「Eason加場」與「爆眼少女」的巧合理想化為有心而為之,畢竟正值敏感時期,敏感得連有病應否戴口罩、出街應否著黑衫都驚一餐,加上郭富城揸車外出買尿片一事,在網上都可以被炒作成「黎明義載示威者」,所以……都係繼續搶飛啦,搶唔到可能又要益黃牛。

9月2日起升級條件將更新 繼續每月撐壹仔 講真心話撐住我香港!