• 【已fact check】free sex 惹火論 羅范背後的三個男人
  • 2019-09-12    

 

昨晚富豪飯局中, 有口痕友百思不得其解,何以羅范椒芬受過如此高等教育之官員,言之鑿鑿散播女示威者向義士提供free sex之假新聞? 直可媲美過氣立法會議員兼人大代吳亮星「洗頭艇」之作,同樣是不顧身份、夠低俗!飯局上生意佬認為這才有市場,須知道《龍虎豹》、《藍皮書》甚或《老爺車》等鹹書在書報攤已 消聲匿跡,此等有味之fake news就填補麻甩佬之空虚。然而羅范用上英文free sex 似乎太chinglish喎,complimentary sex 會否優雅啲呢?飯局上亦有人追問,到底羅范感情之路又是如何呢?佢老公羅延康係「公屋醫生」 專睇普通科,診所紮根係大坑勵德邨商場地下,診金200蚊起跳 ,羅醫生十分低調,默默服務街坊、亦默默做羅范背後的男人。只不過,羅范背後又豈止一個男人呢?佢十多年前官場失意後,去攻讀教育碩士,畢業時就公開表示生命中三位重要的男人。老公之外、還有即將出任醫管局主席的阿哥范鴻齡,以及教統局前上司李國章。羅范有三個男人在背後,真係羡慕死好多盛女㗎!


撰文:宗菁華

9月2日起升級條件將更新 繼續每月撐壹仔 講真心話撐住我香港!