• 【闊別14年吉隆坡再開騷】 劉華豪語:60歲嚟開5場、70歲開夠10場!
  • 2019-09-14    

 

劉華嘅「My Love 」演唱會,我哋香港要等到出年二月先有得睇,吉隆坡嘅朋友就比較幸運,中秋正日(13日)有偶像陪伴賞月。一連三場嘅吉隆坡站巡迴演唱會,噚日喺AXIATA ARENA BUKIT JALIL正式開鑼。劉華話本來今次最初只做兩場演唱會,但係無諗過自己可以做到三場,所以佢同現場粉絲承諾:「下次我再嚟會開四場,60歲嚟開五場、70歲開夠10場!」粉絲們極hyper,齊聲答應劉華到時一定會來捧場,氹得當事人勁開心,更搞鬼地把握時機話:「咁完場後你哋即刻去登記訂飛啦!」令現場氣氛高漲、笑聲不絕!

原來唔經唔覺劉華已經有14年冇係馬來西亞開騷 ,面對一班久違了的粉絲,劉華亦都難掩興奮之情,開場唱完「笨小孩」後,已急不及待反問粉絲們:「我幾耐冇嚟過啊?有幾耐呀?」接着台下嘅粉絲馬上回答話:「我哋等你14年了!終於等到。」華仔馬上深情咁話:「我記得14年前你一個人嚟,當年你仲好細,現在你三個人來。等咗咁耐,要好好享受今晚呢個演唱會!」說罷全場粉絲歡呼和應,這一萬二千多位觀眾最後更同劉華一齊大合唱《月亮代表我的心》歡渡佳節!

+4

9月2日起升級條件將更新 繼續每月撐壹仔 講真心話撐住我香港!