• 【白痴惡法〡禁蒙面】鄭若驊擬學烏克蘭再推惡法 港女:全港一齊蒙面睇佢點拉
  • 2019-09-17    

 

由6月9日起至今,逆權運動已屆100日,政府未有答允港人的「五大訴求」,反而以強權回應連綿不絕的抗爭示威。律政司司長鄭若驊上周表示,政府正就《蒙面法》作法律研究,建制派早前提出訂立相關條例,鄭指已聽取意見,但她無回應研究後是否可行。不過,市民未有擔心《蒙面法》,反而認為全民蒙面,亦不失為抗惡法的最佳「招數」,有學生指,「當所有人都咁做時,我唔信會拘捕所有人。」

歐美多國皆有禁蒙面的條例,當中因紀錄片《Winter On Fire》而令港人熟悉的烏克蘭,於2013年爆發連串示威後,該國國會通過蒙面法,正式禁止示威人士佩戴安全帽及面罩等,引起全國把鍋具帶到抗爭現場抗惡法,成為國際笑話。事隔6年,港府擬研究異曲同工的惡法。

大學生汪同學表示,「如果推出蒙面法應該更加多人上街,好似之前烏克蘭推行蒙面法後,出現革命,推翻政權。」從事飲食業的方生認為,「點解要立呢條法例呢?係純粹為咗今次暴動,定係乜嘢原因?我覺得係想打壓年輕人,打壓異見人士,依家年輕人驚秋後算帳,一定要蒙面,如果唔蒙面,見到的話實捉你。」

大多數年輕人表示若然通過條例,將全民蒙面抗《蒙面法》。中學生李同學表示,「全香港一齊蒙面外出,我不信會拘捕所有人。」大學生汪同學指出,「推出呢條蒙面法,我相信大部分人都會依舊蒙面,政府認受性十分低時,點解我哋仲要聽政府話。」有中年市民更覺得政府是惡霸,無法抗衡政府,「依家出街,係咪都犯法㗎啦,唔好出街囉,你點遮都犯法㗎啦!」亦有年輕市民所見略同,「其實政府點都會搵到辦法挑戰你,無論你做咩都好,都會搵到辦法挑戰你。」

兼任立法會議員及大律師楊岳橋認為,如蒙面人過多,《蒙面法》可能難以執行,「係執法問題,如果好多人一齊唔遵守,法例就等於不能執行,呢個係法不治眾嘅問題。依家特區政府同左派係針對依家嘅社會運動,提出呢個建議,香港人會唔會咁容易因為你立法,會立即乖乖哋乜都唔做呢?當然唔會!如果到時成千上萬人都係戴住口罩,特區政府會係點樣執法呢?喺法律問題上係咪真係站得住腳呢?」

記者:梁佩珊

攝影:鄭樹清、張玉靈

政府研究《蒙面法》,不少市民表示全民蒙面對抗惡法

9月2日起升級條件將更新 繼續每月撐壹仔 講真心話撐住我香港!