• 【暗盤放售油塘「安心偷情竇」】幫細妹收800萬新樓 黃心美:等咗呢日好耐
  • 2019-10-08    

 

黃心穎自從4月被爆偷食人夫許志安後,形象跌到谷底嘅佢敗走洛杉磯,本來大台抽起晒佢有份演出嘅劇集,不過,基於大台唔夠劇播,令到新劇《牛下女高音》獲解禁。似乎仲有啲運仔嘅黃心穎,已唔再留戀香港,近呢兩個月暗盤放售油塘Ocean One,連17年買落嘅天寰新屋,都交畀家姐黃心美幫佢收樓兼打理,睇嚟佢已決意全面引退。



已在洛杉磯買屋

今年4月,爆出黃心穎同許志安喺的士偷情,兩人一夜間冇晒事業,就算二人先後公開道歉,但都冇法彌補。事隔半年,敗走美國嘅黃心穎,有傳佢喺當地做地產經紀,據知佢喺洛杉磯買咗間屋,屋企人亦先後過咗去探佢。本來以為從此絕跡香港嘅黃心穎,千算萬算都估唔到《牛下女高音》會重現生天,不過,就算係咁,佢都冇諗過返嚟宣傳。已決定全面引退嘅佢,就連17年以800萬買落嘅天寰都唔理,收樓都唔收,交畀家姐黃心美幫佢搞。



賣安心偷情竇

9月初,黃心美收樓當日,忍唔住喺IG story度post出一條電腦匙嘅相,仲寫住:「大日子,等咗呢日好耐!」除咗幫阿妹收匙,黃心美仲幫佢打理新屋,點吓嘢潔淨吓,呢個家姐真係唔話得。聽講黃心穎同黃心美早兩個月已經暗盤放售油塘嘅Ocean One「安心偷情竇」,而黃心穎當初買天寰呢間兩房新屋係諗住自己一個住,不過,而家就可能要畀家姐住喇!「安心事件」後,安仔嘅事業毀於一旦,而黃心穎先同男朋友馬國明分手,再避走美國。安仔得到老婆鄭秀文原諒,喺Sammi開個唱時現身,再陪佢齊齊去旅行,表面上,生活回復正常。

-----------------------------

【你爆料,我課金!】

爆相:$500  爆片:$1,000

分清黑白 壹齊揭穿社會黑幕!

詳情 https://s.nextmag.hk/e/zg7VUk287Z

-----------------------------

【壹週刊Telegram,與港人同行,每日為你推送抗爭現場實況】

一手報料 https://t.me/nextmaghk

最新消息 https://t.me/NextPlushk

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情 https://s.nextmag.hk/e/Tssefy687Z