• 首次出席巴黎時裝周 湯怡瘋狂大shopping
  • 2019-10-02    

 


日前湯怡(Kathy)受品牌邀請出席巴黎時裝周,首次「登陸」時裝週的Kathy相當興奮:「十歲左右去過一次巴黎,嗰陣時仲細個,所以印象唔深。今次非常之興奮!因為一直都好鍾意巴黎呢個地方,睇過好多電影,覺得呢個地方特別浪漫,好有藝術氣息。」

一直以來都少女味十足的Kathy在出發時裝周前,準備好將要來一個時尚大變身:「第一次參加Fashion week,積極搵咗好多靚衫靚鞋,一整個大喼都唔夠裝,最後帶咗兩個大喼。都有特別諗咗好多同平時唔一樣嘅妝頭同衫,唔再咁少女,而係走型格成熟路線。」這次巴黎之行Kathy足足看了六場時裝show,Kathy表示自己平時會看很多時裝雜誌,參考各地的衣着及配搭文化,每次出門都會悉心打扮自己,見到自己著得靚,心情都會變好。而對於穿搭,Kathy亦有自己的見解:「每樣Item都會留意,但可能會着重衫、褲同飾物。衫同褲係每個人嘅精粹所在,佔咗整個人嘅大部份。唔同質地唔同Style,加插飾物點綴有唔同風格,所以真係好考心思。」

時隔多年再踏足巴黎,Kathy指除了浪漫氣氛令她印象深刻,她亦被巴黎的交通情況嚇到:「到埗之後第一個感覺係巴黎好塞車!任何時間、任何地方都超級塞車同埋成日封路,所以每日都預早好多時間,以防Miss咗任何一場show。」看show以外,Kathy亦趁機於當地瘋狂Shopping:「行程入面有一日空檔,呢日由朝到晚都喺到血拼,買咗好多衫褲鞋同手袋,差啲要買多個喼拎返香港。」

-----------------------------

【你爆料,我課金!】

爆相:$500  爆片:$1,000

分清黑白 壹齊揭穿社會黑幕!

詳情 https://s.nextmag.hk/e/zg7VUk287Z

-----------------------------

【壹週刊Telegram,與港人同行,每日為你推送抗爭現場實況】

一手報料 https://t.me/nextmaghk

最新消息 https://t.me/NextPlushk

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情 https://s.nextmag.hk/e/Tssefy687Z