• 巴黎瘋狂血拼 朱茵有老公做形象指導
  • 2019-10-03    

 


「性感女神」朱茵近日受邀出席巴黎時裝周,短短數日觀賞了多個時裝騷,分別換上性感的魚尾貼身長裙,和型格十足的橘色西裝登場,期間更獲品牌設計師大讚穿著有型得體,以成熟女人魅震懾全場。

第三次受邀參加時裝周的朱茵,心情仍然興奮,「我覺得出席時裝周最好玩嘅地方,就係可以嘗試平日較少接觸嘅衣著打扮,同時以朝聖嘅心態,吸收最新時尚資訊。喺巴黎短短幾日,見到當地人喺穿搭上充滿自信,呢方面好值得我哋借鏡,每個人都應該具備自信。」

至於她的時尚顧問,原來是最親密的枕邊人黃貫中(Paul):「平日經常同老公交流時尚心得,我最鍾意問佢意見,佢一話顯肥,我就唔會買;如果佢話靚,我就一定會買,始終佢曾經攞過『十大衣著人士』,同埋佢係一個唯美主義者,所以我絕對相信佢嘅眼光,呢一種時尚交流,都係兩公婆嘅情趣,哈哈。」

難得遠赴巴黎,朱茵攞正牌獎勵自己,「今次應該係出血最多嘅一次,淨係鞋都買咗五對,仲有衫同手袋!不過我都冇忘記老公同囡囡,聽日係喺巴黎嘅最後一日,我會留足全日為佢哋『血拼』。」血拼再有樂趣,也難及家人團聚,朱茵完騷後只會逗留一天便怱怱回港,「留一日已經夠奢侈,自己都歸心似箭,因為囡囡依家讀小學,好多嘢要兼顧,媽媽嘅支持係好重要,我返到香港第二日就要參加阿女嘅學校活動,所以都要趕返去喇,同埋我真係好掛住佢哋啊!」

-----------------------------

【你爆料,我課金!】

爆相:$500  爆片:$1,000

分清黑白 壹齊揭穿社會黑幕!

詳情 https://s.nextmag.hk/e/zg7VUk287Z

-----------------------------

【壹週刊Telegram,與港人同行,每日為你推送抗爭現場實況】

一手報料 https://t.me/nextmaghk

最新消息 https://t.me/NextPlushk

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情 https://s.nextmag.hk/e/Tssefy687Z