• 【曾在網上政治表態】忽然被解約 東張林泳淘與「金宵大廈」芳芳賣首飾
  • 2019-10-04    

 

【曾在網上政治表態】忽然被解約 東張西望林泳淘與「金宵大廈」芳芳賣首飾



藝人林泳淘曾任TVB節目《東張西望》主持長達7年之久,最近卻突然被無綫提前解約,已於上月底低調離職。今日她在ig出新post,並將接受訪問的文字放出來,令大家清楚現在她的狀況!她坦言整件事發生得比較突然,至於為什麼被提前解約,她表示不清楚箇中原因。7年前,林泳淘加入TVB便負責節目《東張西望》,一做便做了7年,自己近一星期前才知道被解約,第二日即刻被「last day」,TVB認真無情,至於未來的發展,她表示會轉型做KOL,計劃與利穎怡、「金宵大廈」飾演芳芳的尹詩沛等朋友合作開網店賣首飾,預計店舖會在年底開業。



全文如下:



到佐敦與一班《#東張西望》同事食Farewell飯,李旻芳、陳庭欣、鍾君揚等亦有到場,對於出年才約滿,如今提前解約,林泳淘直言好突然:「我都係近一星期前先知,第二日就要Last day。(心情如何?)成件事好突然,最唔開心係冇得同一班台前幕後嘅朋友認真咁講ByeBye,我一加入無綫就做《東張西望》,一做就7年,大家好似屋企人咁,最唔捨得佢哋,不過依家心情都平伏番,接電話(被提前解約)個陣當然唔開心,但有朋友、屋企人既安慰,平伏好多,都冇唔開心到喊,尊重公司決定,緣分去到呢度就停咗。」

問林泳淘知否提前解約的原因,是否跟她在社交網講政治問題有關?她謂:「呢個係內部決定,唔清楚亦冇問公司。(屋企有冇負擔?)冇,因為我冇能力上車,所以唔使供樓。」

至於未來去向,她指會做KOL及之前都與利穎怡、尹詩沛等搞緊一間網店賣首飾,預計每人投資約五位數字,預計年尾開業,之後再睇吓是否開實體店。林泳淘亦表示將會拍劇,劇集會於ViuTV播,至於會否感到變相與無綫打對台?她謂:「依家好多唔同既電視台,冇得話邊個打邊個,到處都係機會,唔想淨係做主持。」

-----------------------------

【你爆料,我課金!】

爆相:$500  爆片:$1,000

分清黑白 壹齊揭穿社會黑幕!

詳情 https://s.nextmag.hk/e/zg7VUk287Z

-----------------------------

【壹週刊Telegram,與港人同行,每日為你推送抗爭現場實況】

一手報料 https://t.me/nextmaghk

最新消息 https://t.me/NextPlushk

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情 https://s.nextmag.hk/e/Tssefy687Z