• 【藍絲莊思敏廣告好滋擾】梁芷珊:每次聽到佢把聲都skip唔切
  • 2019-10-05    

 

力撐「反送中」的才女梁芷珊,很多網民都指她說話很有Point,今日她又在facebook發帖,大讚蕭若元學識廣博、分析獨到(只係預測比較神),自己就是對方的小粉絲經常聽蕭生的頻道。不過,她反映蕭生的頻道有處地方不好,就是「永遠夾住莊思敏嘅廣告」,令梁芷珊不勝其煩。

人人都知莊思敏藍色,曾暗指穿黑衣的都是賊、說黑衣人很滋擾、表示想捉班示威者去打靶等,正正與梁芷珊道不同,所以梁不喜看到莊思敏的廣告彈出,人之常情,梁在帖文中便如是說:「點解蕭生個頻道裏面永遠夾住莊思敏嘅廣告?我已經發現咗好耐,每次聽到佢把聲,都skip唔切,但最少都要聽5秒。請問點樣要求Youtube唔好令我睇到Perfect Medical嘅莊思敏廣告?吓?$1888十次?嘩(高10度),即係$188一次?咁減唔到點先……聽廣告我OK嘅,但我可唔可以揀Coffee、鍾嘉欣、陳敏之版本?真係唔得莊思敏囉……由唔塞車扮好塞車,到唔了解內容但又覺得反蒙面法OK,同埋話自己每次拍拖都以結婚為目標(哈,又真係唔知道點解我成日留意到佢啲新聞)。」

最後,有鑑於蕭生都覺得自己太神,出到聲考慮唔再做燈,所以梁芷珊請求道:「蕭生,唔好唔講,請你繼續講。」

梁芷珊的帖文
梁芷珊最討厭看蕭生頻道時彈出莊思敏這個廣告
莊思敏的微博很愛國。
不過做戲做全套,係咪應該打返簡體字呢?不然叫霞姨點派飯盒俾你?

-----------------------------

【你爆料,我課金!】

爆相:$500  爆片:$1,000

分清黑白 壹齊揭穿社會黑幕!

詳情 https://s.nextmag.hk/e/zg7VUk287Z

-----------------------------

【壹週刊Telegram,與港人同行,每日為你推送抗爭現場實況】

一手報料 https://t.me/nextmaghk

最新消息 https://t.me/NextPlushk

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情 https://s.nextmag.hk/e/Tssefy687Z