• 葉國謙兒子 擁抱外國勢力
  • 2019-10-09    

 

葉國謙個仔葉亦楠(Rex),六年前娶得已故股壇教父李福兆孫女李恩盈做老婆,當時有份出席婚宴嘅世伯,竊竊私語咁話:「嘥咗個女仔吖!」此話何來?

二人之愛巢位於半山干德道,乃由李恩盈名義於婚前斥資$1400萬買入,豈非正牌「招郎入舍」?

但今時唔同往日,貴為行會成員嘅葉國謙已升格為「朝廷鷹犬」, 喺咁「吠」美國佬, 不知幾威風, 謂如果美國制裁香港的法案通過, 特首可引用緊急法拘捕美國在港僑民,講到幾啱「阿爺 」聽呀。 只不過,葉國謙個仔葉亦楠(Rex),身體又擁抱外國勢力, 係浸會大學畢業後,隨即到美國Long Island 大學 「鍍金」修讀MBA,仲留係美國一間金屬及幕牆公司打工, 又做過美國一間保險公司嘅經紀, 在外國勢力浸淫下省得份履歷立立令 ; 正所謂識時務者為俊傑,返香港後Rex跟隨老豆加入民建聯,無耐就獲得做工程嘅uncle,即安保工程(1627)老細魏振雄招手,所以Rex 37歲就成為上市公司CEO, uncle梗係睇中呢位世侄民建聯嘅背景喇,安保專接政府工程,包括房委會、 醫管局、 市建局 、房協等 ; 作為撐政府嘅民建聯、老豆又係行會成員,做生意時又點會唔洞悉先機呢?

-----------------------------

【你爆料,我課金!】

爆相:$500  爆片:$1,000

分清黑白 壹齊揭穿社會黑幕!

詳情 https://s.nextmag.hk/e/zg7VUk287Z

-----------------------------

【壹週刊Telegram,與港人同行,每日為你推送抗爭現場實況】

一手報料 https://t.me/nextmaghk

最新消息 https://t.me/NextPlushk

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情 https://s.nextmag.hk/e/Tssefy687Z
葉亦楠 (右) 擔任CEO的安保工程於2017年上市 。
李國祥醫生夫婦 (左一、二) ,葉劉淑儀(左三) ,李恩盈 、葉亦楠 、及 葉國謙夫婦 (右一、二 )。