• 【假設性無罪】董敏莉發現老公和閨蜜有染 返公司與同事搞職場曖昧
  • 2019-10-20    

 

如果老婆係董敏莉,真係夫復何求!不過,佢老公竟然偷食,對象仲係董敏莉閨蜜,之後更被董敏莉現場斷正,GG(完蛋了)。

喺《假設性無罪》入面,梁漢文(梁炳)同董敏莉結婚前、拍拖時,已經同同事張慧儀有過一夜情,董敏莉知情,亦都選擇原諒先再嫁梁炳。

點知,若干年後仔女都生埋,梁炳又被指涉嫌意圖老強下屬王敏奕,件事通晒天辣㷫老婆,嘈嘈吓連咸豐年嘅張慧儀一夜情都摷返出嚟講,再即場踢爆埋老公同閨蜜(羅沛琪飾)原來有路,一對姦夫淫婦當場口啞啞你眼望我眼,齋睇都覺得老尷唔知點收科。

對於董敏莉嘅演技本來無乜印象,睇完呢一幕,估唔到佢咁演得,而且閒閒地四、五年無拍嘢,一啲都無生疏,堅!另外,佢一嘢撞開梁炳唔係扮㗎喎,真係孔武有力,撞到梁炳差啲仆呀!

雖然有梁炳呢種沙沙滾老公,但董敏莉都唔係省油的燈,作為人妻人母,一樣同男同事搞曖昧兼有身體接觸,咁啱又被同自己老公有姦情嘅閨蜜撞見,真係七國咁亂,睇落相當刺激過癮。

其實,與其經常又要彈但又要睇某台啲劇咁辛苦,不如嘗試改變睇電視習慣,ViuTV啲自家製劇集唔差,好似呢套《假設性無罪》引人入「性」之餘,懸疑部分又真係做到個個都有合理懷疑但又唔100%肯定,認真耐人尋味。

-----------------------------

【你爆料,我課金!】

爆相:$500  爆片:$1,000

分清黑白 壹齊揭穿社會黑幕!

詳情: https://s.nextmag.hk/e/zg7VUk287Z

-----------------------------

【壹週刊Telegram,與港人同行,每日為你推送抗爭現場實況】

一手報料: https://t.me/nextmaghk

最新消息: https://t.me/NextPlushk

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情: https://s.nextmag.hk/e/Tssefy687Z