• 【Package劉俾女撇】女友晒新歡 劉鳴煒億萬身家留唔住主播之花
  • 2019-10-20    

 

曾經喺港台節目,俾一眾女人視為筍Package嘅大劉長子劉鳴煒,婚結過,前妻、女友亦分別為佢生埋仔女,伴侶如走馬燈,但都有俾人撇嘅時候。

今年3月俾傳媒踢爆坐私人飛機,帶住新歡即明珠台新聞主播之花趙慧奈(keina)去睇北極光,好浪漫呀。不過呢段感情似乎跟佢之前一樣,快嚟快去。日前趙慧奈喺IG post咗段疑係日藉新歡Rikki Furuya,頭貼頭合照,分享兩人去海灘捉蟹摸蜆嘅拍拖生活,簡簡單單無坐私人飛機嘅奢華,但一樣甜蜜。咁公開,似乎暗示同Package劉嘅戀情已成過去式。佢又喺IG story cap下「小丑女」的電影截圖,寫著:「Rich or handsome」A girl asked,之後是另一畫面,然後自問自答:「Loyal,a woman replied」,指擇偶要忠誠,比財富及英俊還重要,呢番弦外之音,明白Package劉點解會俾主播之花撇!
劉鳴煒女友晒新歡相,亦暗示同呢位富二代關係告一段落。
趙慧奈樣子甜美,在明珠台屬主播之花。
又晒下三點式相
新歡名字Rikki Furuya,疑是日藉男子。
劉鳴煒雖然失戀,但相信好快有另一新歡頂上。