• 【出名寵妻|物業寫晒老婆名】感激鍾淑慧共患難 吳岱融:曾經無工開 頭家靠佢撐
  • 2019-10-23    

 

《牛下女高音》裡的「大爆」吳岱融,是寵妻男人,現實中他亦不相伯仲,同老婆鍾淑慧的婚姻,已經走過24個年頭。老夫老妻,竟越老越愛。前年再彈起的吳岱融找人編寫一首情歌《回去愛你十億秒》送給另一半。

吳岱融同老婆當年以情侶檔連拍兩套三級片,到一齊北上重新開始,婚姻之道包含甜酸苦辣,磨擦到磨合,吳岱融練成寵妻暖男。

在《牛下女高音》裡的「大爆」吳岱融,對老婆千依百順,現實中他亦不相伯仲
60歲,依然係鍾淑慧嘅暖男老公。

有指他手揸的中港及星馬物業,全寫太太名字。「其實只係我唔想煩,我同太太無論發生咩嘢事都唔會分開,因為都好愛錫對方。講番層樓,我覺得呢件事一定唔會發生(分開),不過如果真係發生,我都會俾晒佢,寧願自己捱。佢跟咗我咁多年,我又咁錫佢,一定唔可以令佢過得唔舒服同辛苦,呢個係我嘅性格。」吳岱融說。
年輕時兩人經歷風雨。
今天他們愛到白頭。

令到一個男人降服,完全擺上,只因這個女人同甘共苦,相對的。

「佢對屋企都係全部付出。例如有段時間我好被動,完全無工作,屋企開支全部靠佢,身為女性,又有港姐之名,工作的確會比較多,而佢將所有收入真係貢獻俾晒屋企,呢個係事實。」

每個人的婚姻,都會出現不同程度之癢吧!

「年輕時會有好多狀況,好難解釋。男人同女人嘅構造真係唔同,女人嫁俾一個男人係一生一世,除非個男人對佢唔好。我就覺得大部分男人選擇結婚,都知道對方願意為自己犧牲一切,會盡自己所能去尊重同保護。而構造方面我唔多講喇,我唔否定亦都唔承認,但問題係最徹底嘅我,都係以佢為先,一定會照顧佢。例如我知道咁樣做佢會唔開心,我就盡量唔會做,都係因為構造問題。」
前年吳岱融還灌錄一首情歌送給老婆,兩公婆上陣拍埋MV。

-----------------------------

【你爆料,我課金!】

爆相:$500  爆片:$1,000

分清黑白 壹齊揭穿社會黑幕!

詳情 https://s.nextmag.hk/e/zg7VUk287Z

-----------------------------

【壹週刊Telegram,與港人同行,每日為你推送抗爭現場實況】

一手報料 https://t.me/nextmaghk

最新消息 https://t.me/NextPlushk

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情 https://s.nextmag.hk/e/Tssefy687Z