• 美心大小姐與樂壇天后齊名
  • 2019-11-05    

 

美心大小姐伍淑清唔怕家族生意「被裝修」,並接受內地《環球時報》專訪,講到明睬你班年青人都嘥氣,再四出發炮,謂部份公務員冇能力、冇經驗處理危機,差佬止暴制亂之能力有限。伍小姐咁巴閉,因為佢自詡為「四朝元老」,經歷過老鄧、老江、阿胡同埋習大大四個朝代;係美國加州Armstrong學院畢業嘅佢,又扮唒熟悉美國嘢,自比為「女版董建華」。自1978年 鄧小平上場,國家改革開放,當時年僅30歲嘅美心大小姐就同老豆伍沾德,在北京成立首家合資企業,北京航天空食品有限公司,註冊冧把為 001,一直以此為榮!不過伍小姐在美心冇話權就十分之氣頂,佢一直睇好大陸嘅發展,希望可以返去大展拳腳,與揸旗嘅伯父伍舜德睇法迴異,加上老豆嘅權益唔及伯父多,即是冇say!年屆97歲嘅老豆又唔敢提出分家,所以只能睇住侄孫伍偉國(Michael Wu)接班。今鋪誓要「一鳴驚人」、「一吐烏氣」搏出位, 不過呢位「四朝元老」美心內多咗個花名,同樂壇鄭天后齊名咁喇,都係阿「四」。

撰文:宗菁華

-----------------------------

【2019 區議會專題】

最齊全區議會入閘名單互動民調

11.24 用選票重奪區議會

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情地址