• 【低壓上車法】32歲上車男600萬買樓間房出租冚供款 再租劏房自住
  • 2019-11-06    

 

上車是年輕人的夢想,對於今年三十二歲的Derek亦然。 他的目標十分明確——賺錢上車:「我每個月出糧都話比自己知,其實我做呢啲野係為左咩。」先後從事投資銀行及保險的Derek,月薪由數萬到十萬不等,但他日常消費節約。「雖然每次轉工人工係高左,但我每個月洗嘅錢無變,同第一份工一樣。」



他表示由於工作性質需要買西裝,但除了手機、電腦、背包及銀包等必須品外,他也不會刻意買昂貴品牌。訪問期間他向記者展示自己的背包笑言:「呢個袋係一個比較好嘅牌子,但係其實我係SOGO折扣大優惠時買,好似係三折左右。所以我每一次SOGO特價都會買好多嘢。因為咁先實際。」



畢業十年,以為自己終於儲夠錢上車。鐘情灣仔區的他,到地產鋪問價,但發現原來有錢想買樓都不容易,「我約咗幾次都係未睇樓,經紀打電話俾我話:『其實樓盤已經賣咗,你唔使過嚟睇。』我即刻知道原來灣仔區嘅樓競爭好劇烈。」於是他出動誠意,找經紀聊天,「我話:『其實我真係好鍾意呢一區,好想喺度買樓,唔該你哋下次新貨出嚟嘅樓盤或者有啲業主想放盤第一時間通知我。』」他更要求經紀為他主動出擊,他拿著600萬元「誠意」對經紀表示:『就算佢未話放,你都可以嘗試俾我價錢個業主去睇。』」這招最終見效:「經紀同我講,呢個業主錯樓買咗好耐,可能有興趣想放,於是我就同我經紀講不如我出個價錢問過業主有冇興趣。」Derek的第一層樓就這樣成交。

Derek如願以償,今年一月在灣仔區花費近六百萬購入一個三百呎的兩房單位,成功上車。Derek以自己積蓄加上家人資助後,現時每月供款萬多元。不過,現在還是孤家寡人的他,認為暫時不需要住一個三百呎單位。加上他由投資銀行工作轉到保險業,收入比以前不穩定。為了減輕自己的負擔和壓力,Derek決定將單位放租,而自己則繼續以1萬元租用同區一個約200呎的單位。



Derek觀察新一代喜歡在網上搵樓,因此除了向地產經紀放盤外,亦將單位資料上載至互聯網。結果放上網後第二天他便收到大量查詢,一個月內已成功出租。現時單位租予共居空間,租客Vanessa表示當初在網上選擇此單位是因為看到相關簡介詳盡:「佢真係最詳盡一個description,果個吸引力係大好多,同埋你會有信心。」

置業後找到家的感覺

自小廣西長大的他在18歲高中畢業後便到香港中文大學就讀生物科。為了在香港落地生根,他以買樓為人生目標。從理科轉戰金融業,七年全職工作加上知慳識儉,Derek終於在年頭成功在港島區上樓,直呼:「喺呢個城市搵到家既感覺!」



社會氣氛緊張,移民是不少有能力的人心中盤算的後路,Derek亦坦言身邊很多朋友亦不想被供樓綑綁自己,因此即使收入再高也是租樓自住。Derek作為新一代香港人,坦言仍對香港充滿信心,為到是次成功置業感到慶幸。他認為從此對香港更有歸屬感及工作動力:「我始終覺得香港係一個國際性嘅城市,佢嘅職業發展機會,同埋對世界各地嘅訊息接收,其實算係大陸一啲城市短期之內可能可以同香港相比。另外,始終香港嘅資產係一個國際性嘅資產,如果你係喺大灣區買樓或者去大陸買樓,其實佢係大陸資產,佢嘅靈活性同埋佢嘅資產流動能力相比香港係會爭啲。所以當我有能力時,我真係好不猶豫咁選擇買香港嘅樓。」



撰文:葉嘉兒

拍攝:梁正平 林金展

-----------------------------

【2019 區議會專題】

最齊全區議會入閘名單 互動民調

11.24 用選票重奪區議會

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情地址