• 【安心半年 Sammi 安仔浪漫睇日落】全面停工修復婚姻 Sammi : 沉著沉著,就撐過了!
  • 2019-11-07    

 


「安心偷食」爆出至今已經半年,小三黃心穎賠上事業名利,敗走美國轉行地產,而人夫許志安及時撲火,肯面對自己嘅不忠過犯,公開認錯,更形容自己係:「壞咗嘅人。」,加上決心閉關痛定思痛反省,最終獲得同佢經歷過高低起跌嘅老婆Sammi原諒,成功挽救婚姻。

今年7月,Sammi舉行個唱,收埋四個月嘅安仔出關試水溫,現身紅館撐妻。不過婚姻中嘅背叛傷口,唔係一朝一夕可以復元,拔刺過程都需要時間及雙方努力,故雨過天晴初期嘅許氏夫婦,待Sammi完成個唱後,即外遊為婚姻重新灌溉,當時被傳媒拍到願意忘記過去,選擇原諒嘅Sammi,繑住老公上機嘅甜蜜舉動,與另一啤張衛健夫婦齊齊歐遊,順道往英國探望雷頌德一家。

「安心」各行各路,小三心穎作品《牛下女高音》近日播出,有唔少網友關心黃心穎芳蹤。至於另一主角安仔,自偕妻歐遊後冇再露面。直至昨日終被人發現,佢同老婆Sammi到淺水灣甜蜜high tea,重新開始嘅佢哋仲好鬼浪漫,揀望海嘅餐廳,一邊撐枱腳一邊由下午坐到黃昏睇日落,席間Sammi甜笑,睇嚟Sammi嘅傷口,已經完全平伏,經得起風婆嘅佢哋,相信感情更勝從前。

-----------------------------

【2019 區議會專題】

最齊全區議會入閘名單 互動民調

11.24 用選票重奪區議會

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情地址