• 【外母賣樓袋3,000萬】有米老婆買樓一炮過 抗暴徐天佑狂做跑數
  • 2019-11-08    

 

因為太敢言,徐天佑一度喺Facebook被滅聲,不過佢話自己想「做番個人」,仍然忍唔住鬧警暴,亦繼續為年輕人和市民打氣,仲話核爆都唔割席。佢強調自己唔係更勇敢,只係比較誠實。

咪以為佢因為有個有米老婆Olive,所以無後顧之憂,其實剛剛相反,佢結婚之後反而更加積極搵錢,希望畀到老婆好生活。佢仲話,面對亂世我哋愈要積極。

藝人敢言要付出代價,首先一定冇得吸北水,天佑唯有喺香港密密做,以前佢比較多拍電影, 依家連舞台劇、viutv劇集都拍。

佢話呢兩年直情冇乜休息,日前難得有拍攝空檔,可以輕鬆逛街。事關佢希望搵多啲錢,之後先計劃生小朋友。

Olive其實係天佑中學師妹,後來喺美國讀完大學回港,天佑又同楊愛瑾分咗手,佢哋先至正式拍拖。

Olive家境唔錯,11年爸爸就送咗一個海逸豪園高層單位畀佢,兩父女聯名持有,買入價係546萬,當時冇問銀行借錢,一炮過買入。

到咗舊年,層樓升值到大約1100萬,佢哋先至按畀銀行吐現,認真識玩!

而天佑外父名下有一個何文田豪宅,同埋一個葵涌廣場舖位,兩個物業市值大約1,700萬。

Olive 13年創立天然護膚品牌,創業9個月已經回本,認真叻女。依家喺尖沙嘴有門市兼美容院,所以佢話老婆好忙。

其實Olive成立護膚品牌係受媽咪影響,天佑外母亦係做美容生意,投資仲好有眼光。08年以500幾萬買入一個葵涌廣場舖位,13年以1,200賣出。11年以1,100買入名城,18年以1,750賣出。兩次都賺,合共吐現近3,000萬。

公屋出身嘅天佑同老婆背景好唔同,但佢哋對弱勢社群一樣好關心。

日前天佑見傷殘人士籌款,佢行過咗都特別返轉頭支持。

佢老婆就寧願成本高啲,都幫襯一間喺大馬嘅殘障人士ngo整包裝袋,兩公婆同樣係有心人。

攝錄:吳斯金、李玄

-----------------------------

【2019 區議會專題】

最齊全區議會入閘名單 互動民調

11.24 用選票重奪區議會

-----------------------------

【升級壹會員登記站 為你解疑難!】

沙田、旺角、荃灣、觀塘、銅鑼灣5區為你服務

詳情地址