< 返回
  • 地獄停車場6 中環勵精中心逼爆機
  •   0 views │ 2014年10月13日
    留言()

 

好多人對於有升降機的停車場(講的當然是車用升降機)敬而遠之,其實亦不無道理,十居其九汽車升降機絕對堅持「有咁窄得咁窄」,部份大車,更要收埋兩側睹後鏡,先可以成功進入,的確技術稍差,都好易中招揩花愛車。不過,搭汽車電梯已經難,仲要講求高階泊車技術,難上加難,就首選中環勵精中心停車場。

中環士丹利街停車場數目少得可憐,一隻手絕對數得晒,加上附近多食肆,去食飯,勵精中心就成為必泊場。

不過,未講泊位,先講入場,已經好講技巧,因為士丹利街得單線行車,加上旁邊泊埋車的話,想直角假身轉入停車場,難度都幾高,所以建議轉入場之前,最好捱少少左,偷少少位,之後入電梯就容易好多。

一轉入停車場入口,已經見到「大大部」電梯,載人就好鬆動,不過對汽車來講,只算剛剛好,成架車入左電梯,兩側睹後鏡同電梯邊,只差兩吋左右空位,夠晒貼身,好彩有停車場管理員幫手睇位,只要不心急,慢慢逐吋入,見電梯牆身未有嚇人簽名痕,相信都並非出事熱點。

再講講地形,其實勵精中心停車場只得兩層,每層只可泊十部車左右,屬蚊型停車場格局。

出電梯之後,由於場內通道面積有限,加上單線雙程行車,為方便之後離開時毋須扭餐死,唯有倒車去到車位,未落車已經要金晴金眼睇到實,而且所泊車位,牆位仲有柱角,睇小眼都出事,唯一好彩,車位尚算闊落,泊完都仲落到車。

搞完一大輪先泊到車,仲要收30元一個鐘,兼且最低消費兩個鐘,即是話一入場已經無60元,似乎呢個先最地獄。
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 156,100 views
  • 【黑幫14K操控】一條街十幾個妓女 元朗企街狼招拉客極擾民(足本版) 149,309 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 123,237 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,841 views
  • 【鬧市下體現形】同林峯翻撻無望 千語BB暴瘦變紙板人 (足本版) 81,305 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 74,412 views