< 返回
  • 盲人觀星營下月舉行 網民:個名改得衰
  •   2,117 views │ 2015年09月14日
    留言()

 

做戲都有話,「做乜屈個盲嘅睇國家機密?」原來類似嘅嘢真係會喺現實發生!今日(9月14日)「芒向報」facebook專頁po咗一張海報,由本港多家工商機構、非牟利團體、學校及多個政府部門的義工隊聯合成立的籌委會,喺嚟緊十月會搞「盲人觀星傷健營」。

有網民即刻留言,鬧呢個活動無腦,「根本就係傷口上灑盬,由此思路,下次有聽障人士音樂會都唔出奇」、「不如攪少林寺義剪恤髮啦」。不過又有自稱參加過呢個訓練營嘅網民就指,「我開頭聽到都心諗係咪聽錯,但其實去到嗰dee(啲)應該叫視障人士,係視力有問題,唔係盲,係個名改得衰姐(啫)」。

亦都有網民上佢哋官網,搵到主辦方會提供凸點星圖、凹凸月面圖等道具,加上專人講解,俾視障人士幻想星空,仲有網民話專頁admin同其他人喺度笑呢個活動,「失明人仕(士)踢足球都出過書啦」。

雖然個活動聽落幾有意義,但係個名真係會令人誤會嘅,如果政府有人見到呢個post,諗吓改改個名佢啦!

圖片來源:「芒向報」facebook專頁
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 151,345 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 120,838 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,217 views
  • 【黑幫14K操控】一條街十幾個妓女 元朗企街狼招拉客極擾民(足本版) 75,536 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 73,899 views
  • 【心臟衰竭執番條命】66歲患糖尿困擾 吳孟達親述:自己辛苦身邊人都辛苦(足本版) 56,643 views