< 返回
  • Game Room成行成市 唔想執笠點生存?
  •   11,912 views │ 2014年12月16日
    留言()

 

《壹盤生意》過去訪問過不少game room老闆,同樣面對激烈競爭,有些轉型,勁賺幾倍;亦有捱不住執笠。記者找他們回顧並分享心得,讓Pig參考如何在「大逃殺」中生存。

例子一:泡泡足球勁賺五倍

今年暑假因世界盃掀起熱潮的泡沫足球「Bubble Soccer」,開業時賺得一、兩萬,生意模式出現三大危機,包括場地難求、競爭大、欠新鮮感。問題可謂與「激戰」一樣。開業九個月,老闆姚志斌(Rodolfo)成功化解危機,令利潤大增五倍,每月賺五萬!除咗搞夜光Bubble Soccer之外,仲特登喺黃竹坑租了自己的場地,「有咗呢個新場,除咗可以玩Bubble Soccer之外,仲可以玩吓閃避球,嚟緊開聖誕Party,仲會同人合作開小型音樂會,有咗個場,就有無限可能性。」

例子二:Running Games轉虧為盈賺三十萬

去年照抄韓國人氣節目《Running Man》的Running Games老闆莊偉豐(Billy),當初以為食住《Running Man》熱,就會有客幫襯,誰知節目人氣未有幫到手,最後每月蝕十萬元。其後Billy痛定思痛,決定淡化Running Games的元素,雖然保留「撕名牌」環節,但加入更多機關及裝置,「好似激光,玩家要小心穿過才會贏。又或者地板上會突然有陷阱、地雷。啲機關係請I.T.員工嚟自己整嘅,行家想抄都抄唔到。」不過為咗令玩家保持新鮮感,每個月都要花十幾萬增設新器材。

例子三:異類教育

由「巨聲幫」劉威煌在油塘工廈開設的「異類教育」,由於地點太偏僻、玩家人數限制等問題,令生意增長有限,一直只賺數萬元。為踏前一大步,劉威煌在遊戲玩法上,決定作出重大改變,異類教育亦改名成為心理鬥室,他說:「客人玩完一次,拆穿晒條橋,就唔再幫襯。」他指出今時不同往日,不能再靠「巨星幫」三個字吸客,而是向社福界埋手,「同多咗社工合作,嚟緊會同保良局同埋小童群益會合作,收費平小小,但客源會穩定啲。」異類教育生意額亦增長近一倍,每月利潤由最初的七點八萬升至約十二萬元。
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 156,100 views
  • 【黑幫14K操控】一條街十幾個妓女 元朗企街狼招拉客極擾民(足本版) 149,309 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 123,237 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,841 views
  • 【鬧市下體現形】同林峯翻撻無望 千語BB暴瘦變紙板人 (足本版) 81,305 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 74,412 views