< 返回
  • 從此封胸? 晶女郎梁敏儀低調出嫁
  •   48,598 views │ 2015年11月03日
    留言()

 

近年喺王晶電影有唔少性感戲份嘅梁敏儀,原來三條一(11月1日)係佢嘅大日子,下嫁拍拖六年嘅男友Mike,晶女郎升呢做人妻。

佢哋當日晏晝喺大舞臺開結婚party,一對新人由律師見證下註冊,之後兩位就喺live band演奏下負責跳第一隻舞,因為大部分都係懷舊歌,所以雙方家長都跳得好投入。

梁敏儀好低調,人生大事都只係請咗雙方家長同埋圈外朋友,不過好姊妹顏千汶以及趙碩之都有出席。咁佢會唔會再請圈中朋友一齊慶祝呢?佢就話:「應該會,因為依家有啲朋友唔喺香港,遲啲大家約出嚟食餐飯。但係我都有回禮禮物送俾佢哋,因為我哋自己製作咗一張唱片,入面有一啲歌,啲歌係我同老公嘅回憶,譬如話我哋旅行或者喺聽到啲歌,覺得好有感覺,所以想將啲歌製成唱片,送番俾朋友。」

佢仲話同男友同居多年,所以第一日做藍太同平日冇分別,都係會煲湯煮飯,反而第一日做老婆,佢就同老公帶咗隻狗去睇醫生。婚後生活就如常,咁唔知做咗人妻後,老公仲俾唔俾佢拍戲著得咁少呢?佢會唔會從此封胸㗎?
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 156,126 views
  • 【黑幫14K操控】一條街十幾個妓女 元朗企街狼招拉客極擾民(足本版) 149,489 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 123,251 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,849 views
  • 【鬧市下體現形】同林峯翻撻無望 千語BB暴瘦變紙板人 (足本版) 81,361 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 74,418 views