< 返回
  • 【幾時結婚呀?】阿哥阿嫂唔怕做電燈膽 陳山聰孖女友Apple遊京都
  •   22,201 views │ 2017年12月04日
    留言()

 

啱啱喺馬來西亞拎咗「最喜愛TVB男配角」嘅陳山聰,話咁快就飛咗去日本京都賞紅葉!咁浪漫嘅嘢,梗係唔係佢一個人去啦,同行除咗佢哥哥同阿嫂Sophie,仲有佢愛人Apple,慶祝佢攞獎!

陳山聰喺馬來西亞嘅電視頒獎禮,眾望所歸拎到「最喜愛TVB男配角」,喺台上佢含淚多謝身邊嘅人,場面好感人。最令人印象深嘅,係佢多謝當佢係仔一樣嘅哥哥,同埋一直喺佢背後面默默照顧咗佢4年嘅另一半!親口多謝完都唔夠,陳山聰近排仲同佢哋齊齊飛咗去日本嘅京都玩,欣賞紅葉叉吓電。

難得女友Apple唔介意唔係二人世界,而阿哥阿嫂又唔怕做電燈膽,兩pair人孖住四圍玩四圍食,好爽。玩到興起,阿嫂Sophie仲即場提吓字,作吓詩,嘩嘩嘩,一睇就知佢係文人,寫得又真係幾好喎!講時講,劇集《同盟》好受劇迷歡迎,劇入面陳山聰同姚子羚好有默契,睇嚟出年一月TVB嘅頒獎禮「最佳男女配角」,好大機會係佢兩個,唔知,陳山聰到時會唔會即興宣佈結婚呢?!
熱門新聞
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 114,304 views
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 112,516 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 84,683 views
  • 【個仔似足老豆】李琳琳老來得子 70歲姜大衛細仔只得22歲(足本版) 70,067 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 69,591 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 63,619 views