< 返回
  • 【不可思議的爸爸 】 鄭中基戒煙戒粗口 陳冠希變晒B狂
  •   22,463 views │ 2017年12月15日
    留言()

 

浪子終有被收服的一天,圈中有不少藝人,自成家立室做人父後,轉性一樣,父愛爆棚,多一分成熟穩重。今年四月,51歲郭富城終於做老襯,迎娶30歲國產model方媛(Moka),奉女成婚。九月B女Chant出世,城城而家有女萬事足。

前排陳小春父子兵上陣,孖住四歲餅印兒Jasper拍內地真人騷《爸爸去哪兒》大受歡迎,節目內小春一副嚴父形象,同時亦表露其慈父一面,為兒子遮擋太陽,早前,應采兒在微博拍下老公陳小春一手拎住小書包,一手抱住兒子的相,並表示「長大了 我說是左邊那位(指陳小春)」,令網友高呼溫馨。

一向比人花弗印象嘅鄭中基,分別是六歲大女和兩歲兒子之父,而家已經變成黐家好男人,昔日粗口橫飛的他,為了一對寶貝仔女,在屋企戒粗口戒煙,今年初演唱會,仔女更上台支持,場面溫馨。

父愛犯濫唔少得陳冠希,與女友秦舒培今年四月於美國誕下女兒Alaia,陳冠希自從升呢做人父後,父愛爆棚,經常於網上大晒囡囡Alaia的萌相,及家庭溫馨照,對住女兒格外溫柔的陳冠希,被不少網民笑指他是晒B狂魔。

仲有周董周杰倫,同model 女友昆凌結婚後,話咁快已經有一仔一女,次次提起個女,周董就一副冧樣,之前仲喺演唱會度自彈自唱《前世情人》送比個女,周董好自豪咁話:「小周周只聽老爸的歌!」

相關新聞:

產後極速修身 Moka喪食儲奶水

http://bit.ly/2AXji19

【城嫂抵錫】 慳老公荷包 Moka 行街齋睇唔買

http://bit.ly/2zbXjUQ

陳冠希自從升呢做人父後,父愛爆棚
陳小春父子兵上陣,孖住四歲餅印兒Jasper拍內地真人騷《爸爸去哪兒》大受歡迎
今年初演唱會,仔女更上台支持,場面溫馨。
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 193,244 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 158,970 views
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 114,845 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 86,242 views
  • 【個仔似足老豆】李琳琳老來得子 70歲姜大衛細仔只得22歲(足本版) 77,903 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 71,360 views