< 返回
  • 【找數真漢子】粉絲追數追出面 張敬軒極速找數
  •   9,127 views │ 2018年02月09日
    留言()

 

張敬軒話2018年係佢嘅「找數年」,事源佢之前應承過fan屎做乜做物,結果梗係 吹呀吹讓這風吹~於是乎佢啲fan屎就對佢進行大清算,喺網上面post咗一張走數清單,例如每一年都要出廣東碟呀出國語碟呀要做科幻片男主角呀拍電視劇呀等等...

踏入2018年,軒仔終於做個找數真漢字,擒晚佢就喺Facebook post咗段片,找起一個數上嚟。軒仔真係好鬼有心㗎,print埋張「清單」出嚟話:「逐樣找!」,第一條街數就係:出碟,仲要一次過出廣東碟同國語碟。

所謂嘅碟,其實係食飯碟嘅瓷碟,原來佢走咗去「畫瓷碟」。一坐低,佢就即刻開工,首先畫咗度「天師靈符」喺隻碟上面,「我寫咗出碟成功、出極都有。呢隻碟幾時出好?梗係七月啦,靈界大碟呀!」熱身完就正式開工,首先用毛筆喺兩隻碟上分別寫上「廣」同「東」兩個字,「出完廣東碟」,即刻「出國語碟」,於是佢又喺兩隻碟上寫上「國」同「語」兩個字,之後仲好有自信咁話:「我唔做呢行咋,我做呢行,一日可以出廿隻碟呀!」佢仲話要將啲碟「燒」俾 fan屎添。

咁樣找數出碟,網民同fan屎當然反應熱烈啦,不過大家幾乎一面倒錯重點,就係大家都focus喺軒仔嘅一手靚毛筆字。嘩,呢個男仔真係多才多藝呀。
雖然玩食字,但fans照單全收。
軒仔唔只唱得,仲寫得一手好毛筆字。
一次過出廣東碟及國語碟,難得軒仔諗到條橋,抵讚。
軒仔對fans果然有口齒。
熱門新聞
  • 【鹹濕牙醫〡狼影裙底】CCTV踢爆牙醫診所淫行 手機暗影大批女病人裙底(足本版) 367,643 views
  • 【明星家恐怖印傭】紅布木劍暗落邪降16年 鄭敬基驚呼:好心寒(足本版) 186,349 views
  • 【信錯16年嘅印傭】鄭敬基俾家傭偷走珠寶財物: 揭穿時佢怒睥我老婆(足本版) 119,685 views
  • 【虎媽葉玉卿生3學霸】坐擁80億身家 長女拎6個獎學金讀大學(足本版) 89,194 views
  • 【剝一隻牙人生逆轉】港男剝牙昏送ICU變癱 醒來身殘失業妻自殺(足本版) 85,484 views
  • 【52歲白滑長腿富婆】再嫁箍實北京富商老公 爆朱慧珊秘揸5億物業(足本版) 60,570 views