< 返回
  • 【黃伊汶感動講】計劃生多個?34歲靚媽黃伊汶:我有梁浸浸
  •   11,335 views │ 2018年05月09日
    留言()

 

「喺近呢兩個禮拜覺得陳真識講咗好多嘢,佢早排都仲係唔係好識講嘢,而家啱啱兩歲,好似開咗個掣咁樣,突然之間識講好多嘢,佢開始識得嘟嘴,嘟完之後仲要好似好憂鬱,三七面咁樣向下望,永遠都係俾呢個眼神,我開始發覺佢好有自己嘅諗法,當你發覺呢個小朋友有佢自己諗法嘅時候,證明佢已經開始大個。」

陳真今年兩歲,Emme有冇計劃生多一個呀?「我而家有梁浸浸嘛,陳真都有梁浸浸呢個姐姐,所以都有小朋友同佢玩,同埋陳真都有好多小朋友同佢玩,好多人都同我講,你一定要生,如果你唔生將來可能會後悔只得一個小朋友,我相信呢一樣嘢,但係喺呢個時候,我唔想呢一刻就生多一個,因為我始終要工作,同埋我覺得陳真仲係細,啱啱兩歲,我開始覺得佢有思想,希望呢一兩年可以全心,除咗工作、家庭之餘,所有時間都可以俾晒陳真,若果真係要生嘅話,我希望等到陳真返幼稚園時先再諗。」

聽Yumiko講,梁浸浸好照顧陳真,十足大家姐咁,不過,可能小朋友唔知力度,有時會對陳真過份用力。「佢好得意,有時會錫吓佢,有時又打吓佢,而家好咗,初初離譜啲嘅,但而家兩個都大,相處都多咗,好得意,上次我啱啱去完旅行返嚟,因為我哋去咗旅行,所以兩個小朋友少咗見面,大概我諗都有三個禮拜無見,我屋企住一樓,嗰日Yumiko揸車嚟接我去佢屋企玩,佢哋到咗嘅時候已經聽到梁浸浸大叫,陳真一聽就即刻大叫「姐姐」,即刻衝去窗邊,好似羅密歐與茱麗葉,喺度喪嗌,你就會發覺兩個小朋友,佢哋嗰種兩個人相處嘅空間,同埋嗰種感情真係幾得意,我都覺得好幸運,因為陳真都可以有個姐姐陪佢玩,而梁浸浸都好幸運佢媽咪未生多個小朋友嘅時候,亦都有陳真呢個弟弟陪佢玩,佢哋兩個係幾得意嘅一對姐弟,有時呢一刻會見到佢哋攬埋一齊錫錫錫,下一刻見到佢哋打打鬧鬧,但係我鍾意佢哋而家呢種關係。」

採訪:肥A

攝錄:蕭敬漁

化妝:Yannes Lee @ ndnco.co

髮型:Zap@ private I

場地提供:J’s Bar Bistro @ 帝苑酒店

立即按此連結Download《壹週刊》: https://goo.gl/NVySCK
熱門新聞
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 109,528 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 83,179 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 67,718 views
  • 【惡男亂泊車】為接女友泊巴士站釀塞車 惡男仲要爆粗兇人(足本版) 64,222 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 61,776 views
  • 【明明有老公】陳自瑤心酸湊女疲倦 死守因為王浩信玩三招箍煲 (足本版) 58,236 views