< 返回
  • 【管教Freestyle】羅敏莊媽咪好似狄波拉 三代鬈毛好唱口
  •   0 views │ 2018年05月10日
    留言()

 

羅敏莊嫁給陳國邦之後,誕下陳禛。由別人的女兒當上了媽媽,羅敏莊明白了媽媽的辛苦:「當你做咗阿媽之後,就會知道原來阿媽好辛苦,原來你頂阿媽頸唔係咁好㗎喎,第二時個女就會頂你頸,你就會有報應,其實呢啲全部都知㗎,但係當我喺阿媽面前,我就係女吖嘛,所以係控制唔到嘅!」

在羅媽媽眼中,女兒當了媽媽之後亦有很大的改變。羅太話︰「佢做媽之後就成熟咗啦,起碼要做家務啦,以前都唔使點做(羅敏莊:咩呀?其實都有做㗎!)即係以前無咁勤力㗎嘛,返到嚟就話『媽咪好攰呀,煮個麵俾我得唔得呀?』,唔會自己煮嘅,而家就唔係嘞,要自己做晒,仲要服侍老公! 哈哈哈!」

提到家中的教育,羅敏莊很認同父母的一套,因為父母給予很大自由度,所以令她自己很自律。「因為由細到大媽咪爹哋都真係俾好多唔同嘅自由,真係讀書唔會話管得好緊要,唔會話一定要考第一返嚟,一定要成績好,相反我記得有時佢講過,你唔好咁大壓力喇,唔使一定要考咁叻返嚟。」羅母亦都認為家長無須給太大壓予小朋友,以免影響他們的成長,她說︰「其實都無需要咁大壓力,如果係得嘅,你唔使點監管佢都會OK,佢唔得嘅你點樣監管佢都無用,只係俾壓力佢!」

女兒投身娛樂圈當歌手,羅母十分支持︰「因為我哋都鍾意唱歌嘛,佢去唱歌我哋梗係支持啦,同埋佢又唱得幾好,即係唔好話失禮人先啦!」說罷,她更和羅敏莊一齊唱《順流逆流》,原來羅母也是唱得之人,近年更愛唱大戲,據羅敏莊講,媽媽更有何文田狄波拉之稱。

兩母性格十分相近,羅敏莊坦言陳真可能也是差不多性格。除了性格近似,原來鬈毛也是她們三代人的共同特徵。「 因為成日喺街都有人問我,陳真嘅髮型點解會咁嘅?係咪你幫佢電頭髮呀?睇到我阿媽就知喇,我阿媽係鬈毛嘅,我又係鬈毛嘅,所以我個女咪鬈毛囉,所以我哋係無電髮嘅! 哈哈!」

攝錄: 蕭敬漁

採訪:Sukey

場地提供: KidsKiss Kingdom親子餐廳

立即按此連結下載《壹週刊》APP:http://bit.ly/next28app
熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 125,415 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 78,068 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,267 views
  • 【20年父女戀】一生人得高志森呢個男人 焦媛坦白:我有戀父情意結(足本版) 62,494 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 60,365 views
  • 【每日壹爆〡老董家族平價霸地】每月1萬蚊霸8萬呎地 淺水灣靚官地變董家骨灰龕 48,025 views