< 返回
  • 【拒做虎媽】遺傳陳國邦演員基因 羅敏莊:我唔介意陳禛入娛樂圈
  •   16,669 views │ 2018年05月10日
    留言()

 

喺現今社會,有唔少家長都係採取嚴格監管,對仔女嘅成績極為緊張,之前羅敏莊同陳國邦一齊拍《VR驅魔人》,飾演一對虎爸虎媽、港爸港媽,會逼個仔讀書。現實中,羅敏莊就採用放任政策,只希望陳禛有一個快樂的童年。

「我媽媽對我其實都好輕鬆,唔會話太嚴謹,我覺得自己有個快樂童年,所以我希望好似我媽媽咁樣教番自己個女。有啲人會擔心咁放縱佢,或者俾咁多自由佢,到佢無自由要管束佢嘅時候,佢肯唔肯呢?暫時嚟講我哋教佢嘅,當然佢會有曳嘅時候,當佢曳嘅時間,我覺得一鬧或者喝佢,佢就會停,所以我又唔係好擔心佢唔OK喎。」羅敏莊說。

提到夫妻檔一齊拍攝《VR驅魔人》,羅敏莊話播出時候,陳禛和他們一齊看。「我個女同我哋一齊睇,好快已經有反應話『呢個細路仔佢唔幸福!』佢睇到爸爸喺電視裡面鬧個小朋友,佢就跟住喊 ,我就話佢鬧個小朋友,唔係鬧你,佢話爸爸好惡呀,我未見過爸爸咁惡,唔好鬧嗰個小朋友啦!」看來陳禛也感覺到父母沒有逼她做功課,排滿學習行程,原來是一件無比幸福的事。

最想不到的是,陳禛看該單元時邊哭邊看,令羅敏莊覺得女兒同爸爸一樣都是同理心重的人。她說︰「覺得佢應該遺傳咗爸爸好容易見到人有問題,即係同理心好重,而另外就係佢遺傳到爸爸嘅,就係一睇到嗰樣嘢,就覺得嗰樣嘢好真實,意思即係我哋覺得如果演員嘅同理心好重嘅話,其實對演戲或者各方面都好有幫助。」

難道羅敏莊很想女兒入娛樂圈嗎? 「只要你喺嗰行裡面有你嘅專業,你已經係專業人士。你做一個演員,我認為譬如好似我老公咁樣,佢對自己嘅職業係好敬業樂業嘅,我已經覺得佢係一個好專業嘅演員,專業人士,所以我又覺得唔介意我個女做唔做呢行,做呢行我開心,唔做呢行我都OK。最緊要佢開心,最緊要唔好令佢成日咩嘢都唔准做呀,覺得好唔開心呀咁樣。」羅敏莊笑著說。

攝錄: 蕭敬漁

場地提供: KidsKiss Kingdom親子餐廳

立即按此連結下載《壹週刊》APP:http://bit.ly/next28app
熱門新聞
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 111,645 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 86,254 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 84,186 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 69,025 views
  • 【惡男亂泊車】為接女友泊巴士站釀塞車 惡男仲要爆粗兇人(足本版) 64,658 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 63,121 views