< 返回
  • 【入了動物園一樣】廣告拍檔唔騷人 張敬軒無奈:冇晒符!
  •   4,943 views │ 2018年05月10日
    留言()

 

最近,張敬軒為Samsung手機Galaxy S9拍攝一系列廣告,廣告概念以動物特性聯繫手機功能,所以廣告商就搵咗龜、狗、貓、倉鼠、兔仔同軒仔一齊拍攝。影帝古天樂講過:「同小朋友做戲,從來唔覺得係難,反而同動物就真係難。」今次軒仔仲要同咁多種動物拍攝,一定場面失控兼人都癲!

唔講唔知,睇畫面,大家淨係見到一隻貓一隻狗一隻龜同一隻倉鼠,其實製作公司好有準備,每款動物預備咗兩隻,邊隻狀態好就邊隻上,所以拍攝現場幾乎變咗動物園。不過有養開貓狗嘅軒仔見到咁多小動物就好開心,拍攝時小動物唔單止冇失控,反而出現「冷場」,軒仔話:「隻貓係production house養,可能佢慣咗成日都見到好多唔同嘅人,所以可以任人抱。同埋佢真係太冷靜,我嗌極佢玩佢都唔願郁,真係冇晒佢符。」

拍到「陸龜篇」時,軒仔就話拍攝前已經做晒功課,「上網search陸龜嘅特性,希望盡量唔好嚇親佢,不過去到現場我就俾佢嚇親,因為要抱上手,而且佢都幾有份量,好彩我喺屋企都有操吓手臂啫,嘻嘻。」不過佢最驚都係俾隻巨型陸龜咬到,「因為上網睇到話龜咬人係好大力同好痛。」至於多唔多用手機同小動物影相呢?軒仔話影相拍片都有,「其實而家啲電話都具備咗好多相機有嘅功能,特別拍小動物時,因為佢哋成日都會郁,所以慢鏡、夜攝功能都好緊要。」
熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 125,416 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 78,068 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,269 views
  • 【20年父女戀】一生人得高志森呢個男人 焦媛坦白:我有戀父情意結(足本版) 62,494 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 60,365 views
  • 【每日壹爆〡老董家族平價霸地】每月1萬蚊霸8萬呎地 淺水灣靚官地變董家骨灰龕 48,027 views