< 返回
  • 【有梁浸浸的母親節】自評為80分媽媽 鄭希怡:仲有進步空間
  •   9,293 views │ 2018年05月11日
    留言()

 

「會開始好記得母親節,以前都記得嘅,但好似無咁深刻,就可能係同媽咪食餐飯,但自己真係做咗母親之後,可能做嘢嗰時會有好多人不斷提你就嚟母親節喇,就覺得係喎,我記得上年無乜特別慶祝,帶咗佢去動植物公園,因為佢好鍾意睇雀仔,唔知點解佢好鍾意雀仔,所以就帶咗佢去,都係一齊過無咩特別慶祝。」唔少人認為Yumiko唔識湊女,但當佢拍完內地真人騷後,改變咗唔少人嘅睇法,Yumiko自己點睇呢?「呢個騷對我嚟講都係一個幾有紀念性嘅節目,可以俾佢長大後睇番,你細個係咁難搞嘅,你睇吓媽咪幾崩潰,我覺得都係一個經歷,對我嚟講係成長咗好多,譬如去到中段嘅時候,發覺自己原來係會咁不知所措,到後期慢慢改進,又用啲唔同嘅方法,原來都可以喎,即係搵到個好嘅方法,所以係幾好嘅。」

Yumiko認為自己係個幾多分嘅媽咪?「八十分啦!仲有進步嘅空間!囡囡就好sweet,而家有時朝早我瞓醒,佢會攞一支花送俾我,當然佢係喺我嘅花樽掹出嚟,但係感覺都係好開心嘅。」Yumiko以前好抗拒小朋友,接受咗自己做咗人媽咪未呢?「開始接受,初初有咗小朋友嗰段時期,就覺得點解自己會做媽媽嘅?好驚唔知會點樣,呢個都係自己人生一個經歷。有時會緊張教育方面,點樣可以教導佢成為一個對社會有用嘅人,呢啲要睇好多資料、好多書,或者現實生活中多啲觀察,呢啲真係要慢慢學。」

咁Yumiko有冇諗過生多個陪吓梁浸浸呢?「呢個其實真係好矛盾,有時望住陳真覺得,呢個咪係我想要嘅仔囉,我咪有囉,佢有個伴囉,其實又好似夠喎,頭先都有諗,生多個我係咪可以handle到?兩個喎,開生日會有五個小朋友都已經覺得頂唔住,即係兩個日日喺屋企,我暫時未想像到自己係咪可以做到。我又唔係一啲會去擔心好多嘢嘅媽咪,我會覺得一生人總要經歷好多嘢,我擔心唔到咁多,唯有可以教到佢去做一個善良嘅人,遇到咩嘢事都可以用自己嘅方法去解決,唔好做壞事,佢之後遇到任何挫折,我都希望佢會自己去經歷。」

採訪:肥A

攝錄:蕭敬漁

化妝:Yannes Lee @ ndnco.co

髮型:SingTam(Pi4.Hk)

服裝提供:Tibi

場地提供:SOGNO CAFÉ @ 中環(Tel:27579878)

立即按此連結下載《壹週刊》APP:http://bit.ly/next28app
熱門新聞
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 111,650 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 86,376 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 84,187 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 69,028 views
  • 【惡男亂泊車】為接女友泊巴士站釀塞車 惡男仲要爆粗兇人(足本版) 64,660 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 63,122 views