< 返回
  • 【愛貓俠侶曝光】鄭秀文照顧流浪貓終老 大廈住客集體施援 安仔:我覺人間有情
  •   0 views │ 2018年05月15日
    留言()

 

近日殺動物虐待動物的新聞多,令人嘆息。

但人間有情,話說最近許志安及鄭秀文兩人的善心就值得一筆。話說他們淺水灣豪宅有位隔離隣舍,不幸身故,遺下一隻貓,在大廈流離失所,平時隣居會餵飼,有一天生起病來,結果兩人帶牠看醫生,又在停車場起了個竇給牠。貓咪畢竟年紀大,最近安詳的死去。

「一隻貓去到十八歲我覺得都應該放下,係有啲唔捨得,同埋要幫佢處理一啲身後事,我相信都算幾尊嚴,還佢一個尊嚴」安仔講緊嘅呢隻貓,就係佢⋯⋯Coco !,許志安接受記者查詢時,確認此事,並表示只是小事一樁,但卻是人間有情,貓咪年齡大了,照顧他的主人又不告而別,遺下牠無人照顧,所以他們才出手相助,而整幢大廈的鄰居也有提供幫忙,一件小事也體現了人與人之間的團結。

Coco 係流浪貓,喺淺水灣一座大廈樓下住咗十八年,佢嘅主人陳伯離開咗之後剩底佢,大廈嘅住客就肩負起照顧佢嘅責任。Sammi 同安仔就係其中之一。平時Sammi 同安仔會輪流帶Coco 去睇醫生,又喺大廈嘅停車場幫Coco 起咗個安樂窩。

「便心啫,佢嘅主人我都識,佢主人搬咗出去,就留低咗佢喺度,其實我覺得呢件唔係一件大事,不過我感覺係幾人間有情。」

兩個星期前,coco 因為年紀老邁離世,Sammi 傷心之餘,仲喺ig 發佈「千字文」懷緬Coco ⋯⋯「Coco ,謝謝你用生命豐富了這一帶,謝謝你用豁達演譯了生死,現在此分享一張你的照片,三七面,好靚仔啊!Coco , 天國見!」

Coco 離開之後,Sammi 同安仔安排寵物善終服務,將Coco 火化。

「我哋都係便心咁樣去幫佢做一啲嘢,如果唔係真係好慘,但係我覺得嗰隻貓本身嘅價值意義其實幾代表到嗰個地方,一樣有生命,嗰啲地方只不過係死物,但佢好有代表性,簡單啲講,佢令到我哋鄰居,心情上團結啲。」
熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 125,414 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 78,068 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,267 views
  • 【20年父女戀】一生人得高志森呢個男人 焦媛坦白:我有戀父情意結(足本版) 62,494 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 60,363 views
  • 【每日壹爆〡老董家族平價霸地】每月1萬蚊霸8萬呎地 淺水灣靚官地變董家骨灰龕 48,013 views