< 返回
  • 【10月結婚好頭痕】53歲韋家雄娶銀行之花遇阻滯:仲有啲困難......
  •   22,372 views │ 2018年05月15日
    留言()

 

「而家預計十月,或者十一月,十月十一月,因為搵場地比較困難呀!」

恭喜曬!年過半百嘅韋家雄,十月再做老襯喇!

五十三歲嘅韋家雄經歷過婚姻敗,原本已經絕望嘅佢,上年初竟然比佢追到細佢足足廿年嘅銀行之花Keynes 。拍咗拖兩個月,已經認定對方係結婚對象!連韋家雄同前妻所生嘅囝囝都好buy 呢位「哎吔媽咪」,仲帶埋女朋友仔見家長,兩pair 人齊齊食飯,不知幾咁融合。

「佢同我講過一定要有一個好驚喜嘅求婚。」

終於韋家雄成功過到求婚嗰關喇,不過而家最頭痕係⋯⋯

「因為而家搵場地好煩!因為擇咗好日嗰啲就冇場地,唔好日嗰啲就有場地,咁都仲努力緊搵場地,咁都around 喺十一月度囉!」

咁急結婚,唔通佢地趕住生B?

「過住二人世界先啦!遲啲先至諗小朋友呀!」

雖然未有打算生B,不過韋家雄為咗未來老婆仔,已經將佢嘅另一至愛「綿羊仔」賣咗,換咗架七人車,第日就可以載住老婆周圍去。至於婚禮嘅細節,韋家雄就話⋯⋯

「暫時諗就希望一齊進行,即係簽结婚紙同擺酒一齊搞嘅,其他日子就有嘅,但比過啲擇日子嘅人睇就話唔係咁好日囉。咁好日嗰啲地方就真係太好日囉,都難搵,搵勻曬咁多間酒店都係full ,咁而家再想辦法,睇下擇邊一日,咁都望喺十一月裏面。」

立即按此連結下載《壹週刊》APP:http://bit.ly/next28app
熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 125,416 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 78,068 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,269 views
  • 【20年父女戀】一生人得高志森呢個男人 焦媛坦白:我有戀父情意結(足本版) 62,494 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 60,365 views
  • 【每日壹爆〡老董家族平價霸地】每月1萬蚊霸8萬呎地 淺水灣靚官地變董家骨灰龕 48,027 views