< 返回
  • 【捱足十七年】對大台死心外闖 簡慕華帶老公見舊愛戚其義 (足本版)
  •   19,385 views │ 2018年06月06日
    留言()

 

見返簡慕華,大家除咗記得佢同「金牌監制」戚其義嘅一段情,應該仲有佢公認嘅演技,絕對稱得上大台嘅《綠葉王》。 已經四張野嘅佢,上年決心同大台say bye! 而家有老公全力做backup ,又有戚其義幫拖,專心向外闖。

兩個月前突然宣布已經秘密嫁咗人一年,仲跟埋老公去咗加拿大,最近先返番黎香港。咁啱最近又比《壹仔》撞到佢同老公喺中環出現,同場仲有佢個best friend 黃德斌,連舊相好戚其義都喺埋度喎!似乎有新搞作喇!想當年簡慕華同戚其義嘅地下情傳足十年,兩個仲成日比人影到單獨出街拍拖,有「金牌監製」撐腰,簡慕華嘅角色成日有發揮。

當日一班人先去中環附近踎大排檔,食完蕃茄麵之後再去蘇豪區睇境。沿住蘇豪一直行,沿路戚其義仲不停影相keep references。間中又停低指手劃腳,有商有量!

喺大台捱足十七年,雖然有戚其義睇住,但簡慕華都始終離唔開做配角。當年喺《心戰》同埋《金枝慾孽貳》嘅演技,網民一致比like ,仲試過三次提名《萬千星輝頒獎典禮》嘅「最佳女配角」,不過次次都落空,都咪話唔灰心。終於疊埋心水去嫁人!但呢日簡慕華全程都同老公保持距離,連手仔都冇拖過!咁又係嘅!一個現任老公,一個舊相好,都咪話唔尷尬!

立即按此連結下載《壹週刊》APP:http://bit.ly/next28app
熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 125,432 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 78,071 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,278 views
  • 【20年父女戀】一生人得高志森呢個男人 焦媛坦白:我有戀父情意結(足本版) 62,503 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 60,374 views
  • 【每日壹爆〡老董家族平價霸地】每月1萬蚊霸8萬呎地 淺水灣靚官地變董家骨灰龕 48,141 views