< 返回
  • 【同麥秋成爭女】 林作飲酒壯膽上台向前As One@陳嘉茵跪地求婚
  •   17,199 views │ 2018年06月10日
    留言()

 

As One解散之後,主打唱跳嘅Kayan陳嘉茵事業反而愈嚟愈成功,更多咗好多男擁躉,佢喺銅鑼灣HMV嘅拉闊活動上,更被林作同麥秋成爭住示好表白心迹!

「頭先麥秋成已經講,佢話我唔上佢上。」林作說,唔係講笑,佢更即場下跪送上戒指。

嘉茵呢個衰妹啲台風、唱功真係愈嚟愈突出,愈嚟愈有睇頭,難怪飲咗少少酒壯咗膽嘅林作,自己衝上台搶咪唱情歌示愛:「可唔可以上台?(你想做咩?)我想唱歌。(你想唱咩?佢自己上咗台喇!)你把我灌醉有無聽過?(我真係聞到你有啲酒味。)你把我灌醉,又不陪我睡。廣東話,你明唔明呀?又唔陪我瞓。」

雖然佢用詞有少少over,但其實都係想讚下嘉欣做得好啫:「今晚嘉茵嘅成績大家有目共睹,聽咁多歌以嚟,未聽過一個咁有實力、咁多心機嘅人。頭先麥秋成已經講,佢話我唔上佢上,所以我哋都係一致認可你。」

除咗口講認可,林作更準備埋戒指向佢求婚。講到追女仔手段,佢果然有一手:「我而家代表全香港音樂界向你求婚,戒指。(但我有喇!)攞多隻啦,無所謂。(我訂咗婚喇。)重婚我幫你搞啦,法律上嗰啲。我嘅第一次下跪,呢隻戒指係祝你喺音樂界大紅大紫。薩諾斯Thanos,五隻戒指就稱王,你而家攞咗第一隻,你嗰四隻你自己搵啦吓!」把口咁識講嘢又係牛津畢業嘅高材生,難怪內地近年興起嘅學霸綜藝節目都搵佢參與啦,話晒仲要外國讀完書返嚟,但國語一樣可以講得相當流利,唔驚同胞聽唔明。
熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 125,415 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 78,068 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,267 views
  • 【20年父女戀】一生人得高志森呢個男人 焦媛坦白:我有戀父情意結(足本版) 62,494 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 60,365 views
  • 【每日壹爆〡老董家族平價霸地】每月1萬蚊霸8萬呎地 淺水灣靚官地變董家骨灰龕 48,025 views